ഷാർജ: യുഎഇയിൽ ആഭരണ രംഗത്ത് പുതിയൊരു അധ്യായം രചിച്ച് ഐറാ ജൂവൽസിന്റെ ആദ്യ ശാഖ ഷാർജ റോളയിൽ പ്രവർത്തനം ആരംഭിച്ചു. "ദി ലൈറ്റർ സൈഡ് ഓഫ് ലക്ഷ്വറി" എന്ന ടാഗ്‌ലൈനോടെയാണ് ബ്രാഞ്ച് പ്രവർത്തനം ആരംഭിച്ചിരിക്കുന്നത്.

പത്ത് രാജ്യങ്ങളിൽ നിന്നുള്ള ആറായിരത്തോളം ആഭരണങ്ങളുടെ വിപുലമായ ശേഖരമാണ് ഐറാ ജൂവൽസിന്റെ പ്രധാന ആകർഷണം. ലൈറ്റ്‌വെയ്റ്റ് ആഭരണങ്ങളുടെ എലിഗന്റ് ലക്ഷ്വറി കളക്ഷനുകൾ ആകർഷകമായ വിലക്കിഴിവോടെ ഇവിടെ ലഭ്യമാണ്. കുട്ടികൾക്കായുള്ള ട്രെൻഡി കളക്ഷനുകളും ജ്വല്ലറിയിൽ ഒരുക്കിയിട്ടുണ്ട്. ഐ.ജി.ഐ. സർട്ടിഫിക്കേഷനോടു കൂടിയ നാച്ചുറൽ ഡയമണ്ട് കളക്ഷനുകൾ, 22 കാരറ്റ്, 18 കാരറ്റ് ലൈഫ്‌സ്റ്റൈൽ ആഭരണങ്ങൾ എന്നിവയും ഉപഭോക്താക്കളെ ആകർഷിക്കുന്നു.

ഉപഭോക്താക്കളുടെ ബഡ്ജറ്റിനനുസരിച്ച് അവരുടെ മനസ്സിനിണങ്ങുന്ന ഡിസൈനുകൾ സ്വന്തമാക്കാൻ ഐറാ ജൂവൽസ് അവസരമൊരുക്കുന്നു. ഏറ്റവും കുറഞ്ഞ വിലയിൽ മികച്ച ഡിസൈനുകൾ ലഭ്യമാക്കുന്നതാണ് ഐറാ ജൂവൽസിനെ വ്യത്യസ്തമാക്കുന്നതെന്ന് ഭാരവാഹികൾ പറഞ്ഞു.

2025 അവസാനത്തോടെ ദുബൈ, അജ്മാൻ, അബൂദബി എന്നിവിടങ്ങളിൽ പുതിയ ശാഖകൾ ആരംഭിക്കുമെന്ന് ചെയർമാൻ ഹർഷാദ് പി.കെ, മാനേജിങ് ഡയറക്ടർ ഉമേഷ് എ.കെ, കോ-ഫൗണ്ടർ തസ്‌ലീം വി.സി എന്നിവർ അറിയിച്ചു.