ഇംഗ്ലണ്ടിനെതിരായ മൂന്നാം വനിതാ ഏകദിനത്തിൽ ഹർമൻപ്രീത് കൗറിന്റേ ബാറ്റിങ്ങ് വിസ്ഫോടനം. 84 പന്തിൽ നിന്ന് 14 ഫോറുകൾ സഹിതം 102 റൺസ് നേടി ഹർമൻപ്രീത് എകദിന ക്രിക്കറ്റിലെ ഏഴാമത്തെ സെഞ്ച്വറിയും, ഇംഗ്ലണ്ടിലെ മൂന്നാമത്തെ സെഞ്ച്വറിയും സ്വന്തമാക്കി. ഇതോടെ ഇംഗ്ലീഷ് മണ്ണിൽ മൂന്ന് സെഞ്ച്വറികൾ നേടുന്ന ലോകത്തിലെ ആദ്യ വിദേശ വനിതാ താരമെന്ന റെക്കോർഡും ഹർമൻപ്രീത് സ്വന്തമാക്കി.

ചെസ്റ്റർ-ലെ-സ്ട്രീറ്റിൽ നടന്ന പരമ്പരയിലെ നിർണായക മത്സരത്തിൽ ടോസ് നേടിയ ഇന്ത്യ ആദ്യം ബാറ്റിങ്ങ് തിരഞ്ഞെടുക്കുകയായിരുന്നു. മുൻ കളികളിൽ നിന്നും വ്യത്യസ്തമായി, ടീമിനെ മുന്നോട്ട് നയിക്കാൻ ഹർമൻപ്രീത് മുന്നിലേറി. വെറും 82 പന്തിൽ സെഞ്ച്വറിയിലേക്ക് കുതിച്ച ഹർമൻപ്രീത് , ഏകദിന ഫോർമാറ്റിൽ ഒരു ഇന്ത്യൻ വനിതാ താരത്തിന്റെ രണ്ടാമത്തെ വേഗതയേറിയ സെഞ്ച്വറിയും കുറിച്ചു. അതിവേഗ സെഞ്ച്വറിയിൽ ഇപ്പോഴും മുന്നിൽ നിലകൊള്ളുന്നത് 70 പന്തിൽ സെഞ്ച്വറി നേടിയ സ്മൃതി മന്ദാനയാണ്.

ഹർമൻപ്രീതിന്റെ ഈ റെക്കോർഡ് ഇന്ത്യൻ വനിതാ ക്രിക്കറ്റിന്റെ ചരിത്രത്തിൽ അതുല്യമായ സംഭാവനയാണ്. ഇന്ത്യക്ക് വേണ്ടി 4000 ഏകദിന റൺസ് പൂർത്തിയാക്കുന്ന മൂന്നാമത്തെ വനിതാ താരമായി ഇന്ത്യൻ നായിക മാറിയതും മറ്റൊരു നേട്ടമാണ്. മിതാലി രാജിനു ശേഷമാണ് ഈ നേട്ടം. കൂടാതെ, ഇംഗ്ലണ്ടിൽ 1000 ഏകദിന റൺസ് നേടുന്ന രണ്ടാം ഇന്ത്യൻ വനിതാ താരവുമാണ് ഹർമൻപ്രീത്.

 ഇംഗ്ലണ്ടിൽ കൂടുതൽ ഏകദിനസെഞ്ച്വറികൾ നേടിയ വിദേശ താരങ്ങൾ:

ഹർമൻപ്രീത് കൗർ – 3 സെഞ്ച്വറികൾ (28 ഇന്നിംഗ്‌സ്)

മെഗ് ലാനിംഗ് – 2 സെഞ്ച്വറികൾ (19 ഇന്നിംഗ്‌സ്)

മിതാലി രാജ് – 2 സെഞ്ച്വറികൾ (39 ഇന്നിംഗ്‌സ്)

 വനിതാ ഏകദിനത്തിൽ ഏറ്റവും വേഗത്തിൽ സെഞ്ച്വറി നേടിയ ഇന്ത്യക്കാർ:

സ്മൃതി മന്ദാന vs അയർലണ്ട് – 70 പന്ത് (രാജ്കോട്ട്, 2025)

ഹർമൻപ്രീത് കൗർ vs ഇംഗ്ലണ്ട് – 82 പന്ത് (ചെസ്റ്റർ-ലെ-സ്ട്രീറ്റ്, 2025)

ഹർമൻപ്രീത് കൗർ vs ദക്ഷിണാഫ്രിക്ക – 85 പന്ത് (ബെംഗളൂരു, 2024)

ജെമിമ റോഡ്രിഗസ് vs ദക്ഷിണാഫ്രിക്ക – 89 പന്ത് (കൊളംബോ, 2025)

2025 ഏകദിന ലോകകപ്പ് മുന്നോടിയായുള്ള ഈ പ്രകടനം ഇന്ത്യൻ ടീമിന് ആത്മവിശ്വാസം പകരുന്നതാണ്. ഹർമൻപ്രീതിന്റെ ഈ ഇന്നിംഗ്‌സ് വനിതാ ക്രിക്കറ്റിന്റെ ചരിത്രത്തിൽ ഉറച്ച അടയാളമായി തുടരും.

Harmanpreet Kaur scored 102 runs off 84 balls against England, becoming the first-ever foreign woman cricketer to score three ODI centuries in England. This was her seventh career ODI century and also the second-fastest by an Indian woman (82 balls). She now joins the elite 4000-run club, becoming the third Indian woman to achieve this feat after Mithali Raj and Smriti Mandhana.