ഛണ്ഡിഗഢ്: ലൈംഗികാതിക്രമ കേസില്‍ ജാമ്യത്തിലിറങ്ങിയ ബി.ജെ.പി എം.പിയുടെ മകനെ അസിസ്റ്റന്റ് അഡ്വക്കറ്റ് ജനറല്‍ സ്ഥാനത്തേക്ക് നിയോഗിച്ച് ഹരിയാന ബി.ജെ.പി സര്‍ക്കാര്‍. ബി.ജെ.പി രാജ്യസഭ എം.പി സുഭാഷ് ബരാലയുടെ മകന്‍ വികാസ് ബരാലെയാണ്  എ.എ.ജിയായി നിയോഗിക്കപ്പെട്ടിരിക്കുന്നത്. അസിസ്റ്റന്റ് അഡ്വക്കറ്റ് ജനറല്‍, ഡെപ്യുട്ടി അഡ്വക്കറ്റ് ജനറല്‍, സീനിയര്‍ ഡെപ്യുട്ടി അഡ്വക്കറ്റ് ജനറല്‍, അഡീഷണല്‍ അഡ്വക്കറ്റ് ജനറല്‍ തുടങ്ങിയ പോസ്റ്റുകളിലേക്കുള്ള നിയമനലിസ്റ്റില്‍ വികാസ് ഉള്‍പ്പെട്ടിരുന്നു.

2017ലാണ് വികാസ് ബരാലെ ലൈംഗികാതിക്രമ കേസില്‍ പ്രതിയാകുന്നത്. ഐ.എ.എസ് ഓഫിസറുടെ മകളെ തട്ടിക്കൊണ്ട് പേയെന്നതാണ് കേസ്. വികാസിനൊപ്പം സുഹൃത്ത് ആശിഷ് കുമാറും കേസില്‍ പ്രതിയായിരുന്നു. 2017 ആഗസ്റ്റ് ഒമ്പതിനായിരുന്നു വികാസിനെ പൊലിസ് അറസ്റ്റ് ചെയ്തത്. 2018 ജനുവരിയിലാണ് പഞ്ചാബ്-ഹരിയാന കോടതി വികാസിന് ജാമ്യം അനുവദിക്കുകയും ചെയ്തു.

  ALSO READ: 'ഉപ്പത്തണലില്ലാതെ അവള്‍ വളര്‍ന്ന 19 വര്‍ഷങ്ങള്‍...'മുംബൈ സ്‌ഫോടനക്കേസില്‍ 2006ല്‍ തടവിലാക്കപ്പെട്ട് ഇപ്പോള്‍ കുറ്റ വിമുക്തനാക്കിയ അന്‍സാരിയുടെ കുടുംബം പറയുന്നു

ഛണ്ഡിഗഢ് കോടതിയില്‍ കേസിന്റെ വിചാരണനടപടികള്‍ ഇപ്പോഴും നടക്കുകയാണ്. ഇതിനിടെയാണ് വികാസിനെ അസിസ്റ്റന്റ് അഡ്വക്കറ്റ് ജനറലാക്കിയുള്ള ഹരിയാന സര്‍ക്കാറിന്റെ ഉത്തരവ.് ജൂലൈ 18നാണ് ഉത്തരവ് പുറത്തിറങ്ങിയത്.

സംഭവം നടക്കുമ്പോള്‍ നിയമവിദ്യാര്‍ഥിയായിരുന്നു വികാസ്. കോടതിയുടെ പ്രത്യേക അനുമതിയോടെയാണ് ഇയാള്‍ പരീക്ഷയെഴുതിയത്. വികാസിന്റെ പിതാവ് സുഭാഷ് ബരാല 2014 ജൂലൈ 2020 വരെ ബി.ജെ.പി സംസ്ഥാന അധ്യക്ഷനായിരുന്നു. പിന്നീട് 2019 ഒക്ടോബറില്‍ നിയമസഭ തെരഞ്ഞെടുപ്പില്‍ മത്സരിച്ചുവെങ്കിലും പരാജയപ്പെട്ടു. പിന്നീട് 2024 രാജ്യസഭയിലേക്ക് എതിരില്ലാതെ തെരഞ്ഞെടുക്കപ്പെട്ടു.

Despite facing an ongoing trial for a 2017 sexual assault and kidnapping case, Vikas Barala, son of BJP Rajya Sabha MP Subhash Barala, has been appointed as Assistant Advocate General by the Haryana BJP government.