കോഴിക്കോട്: കൈക്കൂലി വാങ്ങിയതുൾപ്പെടെ വിജിലൻസ് പരിശോധനയിൽ വ്യാപക ക്രമക്കേടുകൾ കണ്ടെത്തിയതിന് പിന്നാലെ, മോട്ടോർ വാഹനവകുപ്പിന് ലഭിക്കുന്ന അപേക്ഷകളിലെ കാലതാമസം ഒഴിവാക്കണമെന്ന് ഉദ്യോഗസ്ഥർക്ക് കർശനനിർദേശം. മോട്ടോർ വാഹനവകുപ്പിന്റെ ഓഫിസുകളിൽ ലഭിക്കുന്ന എല്ലാ അപേക്ഷകളും നിർദിഷ്ട സമയ പരിധിക്കുള്ളിൽ തീർപ്പാക്കണമെന്നാവശ്യപ്പെട്ട് സീനിയർ ഡെപ്യൂട്ടി ട്രാൻസ്‌പോർട്ട് കമ്മിഷണർ ആർ.രാജീവ് ഉത്തരവിറക്കി. അല്ലാത്തപക്ഷം സേവനാവകാശ നിയമപ്രകാരവും കേരള സിവിൽ സർവിസ് ചട്ടപ്രകാരവും നിയമനടപടി സ്വീകരിക്കുമെന്നും ഉദ്യോഗസ്ഥർക്ക് കമ്മിഷണർ താക്കീത് നൽകിയിട്ടുണ്ട്. 

എല്ലാ ഓഫിസ് മേധാവികളും അപേക്ഷകൾ തീർപ്പാക്കുന്നതിന്റെ സ്ഥിതി പ്രതിദിനം അവലോകനം ചെയ്യണം. കൂടാതെ അപേക്ഷകൾ തീർപ്പാക്കുന്നതിൽ ഏതെങ്കിലും ഉദ്യോഗസ്ഥന്റെ ഭാഗത്ത് നിന്ന് പോരായ്മകൾ ഉണ്ടാകുന്നതായി കണ്ടെത്തിയാൽ അക്കാര്യം പരിഹരിക്കണം. ജില്ലകളിലുള്ള ഓഫിസുകളിൽ അപേക്ഷകൾ കെട്ടിക്കിടക്കുന്നുണ്ടോയെന്നും അവ തീർപ്പാക്കുന്നതിൽ കാലതാമസം നേരിടുന്നുണ്ടോയെന്നും മേഖലാ ഡെപ്യൂട്ടി ട്രാൻസ്‌പോർട്ട് കമ്മിഷണർമാർ നിരീക്ഷിക്കണം. പോരായ്മകൾ കണ്ടെത്തുന്ന ഓഫിസുകളിൽ നേരിട്ട് മിന്നൽപരിശോധന നടത്തണമെന്നും ജീവനക്കാരുടെ യോഗം ചേർന്ന് ഇക്കാര്യം വിശദീകരിക്കണമെന്നും ഉത്തരവിലുണ്ട്.

ALSO READ: ഫലസ്തീന്‍ രാഷ്ട്രത്തെ അംഗീകരിക്കുമെന്ന് പ്രഖ്യാപിച്ച് ഫ്രാന്‍സ്; സ്വാഗതം ചെയ്ത് സഊദി അറേബ്യ

'ഓപറേഷൻ ക്ലീൻവീൽസ്' എന്നപേരിൽ വിജിലൻസ് ഡയരക്ടർ മനോജ് എബ്രഹാമിന്റെ നിർദേശപ്രകാരം സംസ്ഥാന വ്യാപകമായി മോട്ടോർവാഹനവകുപ്പ് ഓഫിസുകളിൽ നടത്തിയ പരിശോധനയിൽ വ്യാപക ക്രമക്കേടുകൾ കണ്ടെത്തിയിരുന്നു. ഏജന്റുമാർ വഴിയാണ് വ്യാപകമായി കൈക്കൂലി വാങ്ങിയിരുന്നത്. 

ഏജന്റുമാർ മുഖേനയുള്ള അപേക്ഷകളിൽ സീനിയോറിറ്റി മറികടന്ന് വളരെ വേഗം തീരുമാനമെടുക്കുന്നതുൾപ്പെടെയുള്ള വിവരങ്ങൾ തെളിവുകൾ സഹിതമാണ് വിജിലൻസ് പിടികൂടിയത്. പൊതുജനങ്ങൾ ഓൺലൈൻ മുഖേന സമർപ്പിക്കുന്ന അപേക്ഷകൾ വരെ കൈക്കൂലി ലഭിക്കണമെന്ന ഉദ്ദേശത്തോടെ ചെറിയ അപാകതകൾ ചൂണ്ടിക്കാണിച്ച് നിരസിക്കുന്നതായും വിജിലൻസ് കണ്ടെത്തിയിരുന്നു.

strict instructions have been issued to eliminate delays in motor vehicle department application processing. Senior Deputy Transport Commissioner R. Rajeev has directed that all applications received at the Motor Vehicles Department offices in Kerala must be resolved within the stipulated time frame.