തിരുവനന്തപുരം: കണ്ണൂർ സെൻട്രൽ ജയിലിൽ സുരക്ഷാ വീഴ്ചകൾ ഉണ്ടായിട്ടില്ലെന്ന് വിദ്യാഭ്യാസ മന്ത്രി വി. ശിവൻകുട്ടി വ്യക്തമാക്കി. ഗോവിന്ദചാമി ജയിൽചാടിയ സംഭവവുമായി ബന്ധപ്പെട്ട മാധ്യമങ്ങളുടെ ചോദ്യത്തിന് മറുപടിയായാണ് മന്ത്രി ഇക്കാര്യം പറഞ്ഞത്.

ALSO READ: താമരശ്ശേരി ഒന്‍പതാം വളവില്‍ നിന്ന് യുവാവ് താഴേക്ക് ചാടി

ഗോവിന്ദചാമിയുടെ ജയിൽചാട്ടവുമായി ബന്ധപ്പെട്ടുള്ള ചോദ്യത്തിന്, "ഗോവിന്ദചാമിയെക്കുറിച്ച് എന്നോട് ചോദിക്കുന്നതിൽ അർത്ഥമില്ല. അയാൾ കേരളത്തിലെ സ്കൂളുകളിൽ പഠിക്കുന്നില്ലല്ലോ," എന്ന് മന്ത്രി തമാശരൂപേണ മറുപടി നൽകി.

ജയിൽ ചാടി മണിക്കൂറുകൾക്ക് ശേഷമാണ് കണ്ണൂർ താളപ്പിൽ നിന്ന് ​ഗോവിന്ദചാമിയെ പൊലിസ് പിടികൂടിയത്. ആളൊഴിഞ്ഞ വീടിന്റെ കിണറ്റിൽ ഒളിച്ചിരിക്കുന്ന നിലയിലാണ് ഇയാളെ കണ്ടെത്തിയത്. വീട് പൊലിസും നാട്ടുകാരും ചേർന്ന് വളഞ്ഞ് നടത്തിയ അന്വേഷണത്തിലാണ് ഇയാളെ കണ്ടെത്തിയത്. ഇന്ന് പുലർച്ചെയാണ് കണ്ണൂർ സെൻട്രൽ ജയിലിലെ അതീവ സുരക്ഷയുള്ള പത്താം നമ്പർ ബ്ലോക്കിൽ നിന്ന് ഗോവിന്ദചാമി ജയിൽ ചാടിയത്. 

ALSO READ: കേരളത്തിലെ ജയിൽചാട്ട ചരിത്രം; ആദ്യ വനിതാ ജയിൽ ചാട്ടം മുതൽ ഗോവിന്ദചാമി വരെ

ജീവപര്യന്തം ശിക്ഷ അനുഭവിക്കുന്നതിനിടെയാണ് ജയിൽ ചാട്ടം. രാവിലെ നടത്തിയ സെൽ പരിശോധനയിലാണ് ഗോവിന്ദചാമി ജയിൽ ചാടിയതായി അറിഞ്ഞത്. രാവിലെ 7.10 ഓടെയാണ് ജയിൽ അധികൃതർ പൊലിസിനെ വിവരം അറിയിച്ചത്. കേരളത്തെ ഞെട്ടിച്ച സൗമ്യ വധക്കേസ് പ്രതി രക്ഷപ്പെട്ടത് അതീവ സുരക്ഷാ വീഴ്ചയായാണ് കണക്കാക്കുന്നത്. അതീവ സുരക്ഷയുള്ള കണ്ണൂർ സെൻട്രൽ ജയിലിൽ നിന്നാണ് പ്രതി രക്ഷപ്പെട്ടത് എന്നത് ജയിൽ സുരക്ഷയെ കുറിച്ച് ആശങ്ക ഉയർത്തുന്നുണ്ട്.  

Education Minister V Sivankutty has clarified that there were no security lapses in Kannur Central Jail, responding to queries about the escape of Govindachami, the prime accused in the Soumya murder case. This statement comes amid scrutiny over the jail's security measures, with many questioning how Govindachami managed to escape ¹.