വേൾഡ് ലെജന്റ്സ് ചാമ്പ്യൻഷിപ്പിൽ ചരിത്രം സൃഷ്ടിച്ച് സൗത്ത് ആഫ്രിക്കൻ ഇതിഹാസം എബി ഡിവില്ലിയേഴ്സ്. ഇംഗ്ലണ്ട് ചാമ്പ്യൻസിനെതിരെ സെഞ്ച്വറി നേടിയാണ് എബി ഡിവില്ലിയേഴ്സ് തിളങ്ങിയത്. മത്സരത്തിൽ 51 പന്തിൽ പുറത്താവാതെ 116 റൺസാണ് എബിഡി നേടിയത്. വെറും 41 പന്തിൽ നിന്നുമാണ് താരം സെഞ്ച്വറി പൂർത്തിയാക്കിയത്.

ഇതോടെ ഒരു തകർപ്പൻ റെക്കോർഡ് ഡിവില്ലിയേഴ്സ് തന്റെ പേരിലാക്കി മാറ്റി. വേൾഡ് ലെജന്റ്സ് ചാമ്പ്യൻഷിപ്പിൽ ഏറ്റവും വേഗത്തിൽ സെഞ്ച്വറി നേടുന്ന രണ്ടാമത്തെ താരമായാണ് ഡിവില്ലിയേഴ്സ് മാറിയത്. 50 പന്തിൽ നിന്നും സെഞ്ച്വറി നേടിയ മുൻ സൗത്ത് ആഫ്രിക്കൻ താരം സാരൽ എർവിയെ മറികടന്നാണ് എബിഡി ഈ നേട്ടം കൈവരിച്ചത്. 50 പന്തിൽ നിന്നുമാണ് സാരൽ എർവി സെഞ്ച്വറി നേടിയത്. 35 പന്തിൽ നിന്നും സെഞ്ച്വറി നേടിയ മുൻ ഓസീസ് താരം ബെൻ ഡങ്ക് ആണ് ഈ റെക്കോർഡിൽ ഒന്നാം സ്ഥാനത്തുള്ളത്. 

മത്സരത്തിൽ 10 വിക്കറ്റുകൾക്കാണ് സൗത്ത് ആഫ്രിക്ക ഇംഗ്ലണ്ടിനെ തകർത്തത്. ആദ്യം ബാറ്റ് ചെയ്ത ഇംഗ്ലണ്ട് 20 ഓവറിൽ ആറ് വിക്കറ്റ് നഷ്ടത്തിൽ 152 റൺസാണ് നേടിയത്. വിജയലക്ഷ്യം പിന്തുടർന്നിറങ്ങിയ സൗത്ത് ആഫ്രിക്ക 12.2 ഓവറിൽ ലക്ഷ്യം അനായാസം മറികടക്കുകയായിരുന്നു. ആദ്യം ബാറ്റ് ചെയ്ത ഇംഗ്ലണ്ടിനായി ഫിൽ മസ്റ്റാർഡ് 33 പന്തിൽ 39 റൺസും സമിത് പട്ടേൽ 24 റൺസും ക്യാപ്റ്റൻ ഓയിൻ മോർഗൻ 20 റൺസും നേടി. 

നിലവിൽ ടൂർണമെന്റിന്റെ പോയിന്റ് പട്ടികയിൽ ഒന്നാം സ്ഥാനത്താണ് സൗത്ത് ആഫ്രിക്ക ചാമ്പ്യൻസ്. ആറ് പോയിന്റാണ് സൗത്ത് ആഫ്രിക്കയുടെ അക്കൗണ്ടിൽ ഉള്ളത്. 

South African legend AB de Villiers created history in the World Legends Championship. AB de Villiers shone by scoring a century against the England champions. AB de Villiers scored an unbeaten 116 off 51 balls, reaching his century off just 41 balls. With this, de Villiers became the second fastest batsman to score a century in the World Legends Championship.