മാലി: ബ്രിട്ടീഷ് സന്ദര്‍ശനം പൂര്‍ത്തിയാക്കി മാലദ്വീപിലെത്തിയ പ്രധാനമന്ത്രി നരേന്ദ്രമോദിക്ക് ഊഷ്മള സ്വീകരണം. പ്രോട്ടോകോളുകള്‍ മാറ്റിവച്ച് വിമാനത്താവളത്തിലെത്തി പ്രസിഡന്റ് മുഹമ്മദ് മുഇസ്സു മോദിയെ സ്വീകരിച്ചു. മാലദ്വീപിന് ഇന്ത്യ 4,850 കോടി രൂപ വായ്പ നല്‍കുമെന്ന് പ്രധാനമന്ത്രി പ്രഖ്യാപിച്ചു. സഹായത്തിന് മുഇസ്സു നന്ദി അറിയിച്ചു.

മാലദ്വീപുമായി ഇന്ത്യ തുറന്ന വ്യാപാര കരാറിലേര്‍പ്പെടുമെന്നും അതിന്റെ ചര്‍ച്ചകള്‍ക്കു തുടക്കമിട്ടതായും ഇരു നേതാക്കളും വാര്‍ത്താസമ്മേളനത്തില്‍ പറഞ്ഞു. വ്യാപാര പ്രതിരോധ അടിസ്ഥാന സൗകര്യ മേഖലകളില്‍ സഹകരണത്തിന് ഉഭയകക്ഷി ചര്‍ച്ചയില്‍ ധാരണയായി.

മുഹമ്മദ് മുഇസ്സു പ്രധാനമന്ത്രി നരേന്ദ്ര മോദിയുമായുള്ള സംയുക്ത പത്രസമ്മേളനത്തിലാണ് ഇരു രാജ്യങ്ങളും തമ്മിലുള്ള സ്വതന്ത്ര വ്യാപാര കരാറിനുള്ള ചര്‍ച്ചകള്‍ക്ക് തുടക്കം കുറിച്ചത്. ദ്വീപില്‍വച്ച് മുഇസ്സുവുമായി നരേന്ദ്ര മോദിവിപുലമായ ചര്‍ച്ചകള്‍ നടത്തി. വ്യാപാരം, പ്രതിരോധം, അടിസ്ഥാന സൌകര്യങ്ങള്‍ എന്നീ മേഖലകളിലെ സഹകരണം ശക്തിപ്പെടുത്തുന്നതില്‍ ശ്രദ്ധ കേന്ദ്രീകരിച്ചു. 

ഡിജിറ്റല്‍ പരിവര്‍ത്തനത്തിനും മറ്റ് മേഖലകള്‍ക്കുമായി ഇന്ത്യയും മാലിദ്വീപും ധാരണാപത്രങ്ങളില്‍ ഒപ്പുവെച്ചതായി വിദേശകാര്യ സെക്രട്ടറി വിക്രം മിസ്രി പറഞ്ഞു. 

കാലാവസ്ഥാ വ്യതിയാനത്തിന്റെയും പാരിസ്ഥിതിക തകര്‍ച്ചയുടെയും വെല്ലുവിളികള്‍ ഇന്ത്യയും മാലദ്വീപും പൂര്‍ണ്ണമായും മനസ്സിലാക്കുന്നുവെന്ന് പ്രധാനമന്ത്രി മോദി പറഞ്ഞു. 

മുഇസ്സു ചൈനയോട് അടുപ്പമുള്ളയാളാണെന്ന പ്രചാരണത്തിനിടെ പ്രധാനമന്ത്രിക്ക് നല്‍കിയ സ്വീകരണം അദ്ദേഹത്തിന്റെ നിലപാടുമാറ്റമായാണ് വിലയിരുത്തപ്പെടുന്നത്. രണ്ടുദിവസത്തെ ബ്രിട്ടീഷ് സന്ദര്‍ശനം മതിയാക്കി ദ്വീപിലെത്തിയ മോദി, ഇന്ന് ഡല്‍ഹിയിലേക്ക് മടങ്ങും.

ALSO READ: 'എന്‍ജിനീയര്‍ ആയതിനാല്‍ എന്നെ ബോംബ് വിദഗ്ധനായി അവതരിപ്പിച്ചു, എല്ലാം മുസ്ലിമായതിനാല്‍'; ദുരനുഭവം പങ്കുവച്ച് മുംബൈ ട്രെയിന്‍ സ്‌ഫോടനക്കേസിലെ കുറ്റാരോപിതന്‍ സാജിദ് അന്‍സാരി

India and Maldives on Friday (July 25, 2025) announced the initiation of negotiations for the launch of a Free Trade Agreement (IMFTA). Maldivian President Mohamed Muizzu, on Friday (July 25, 2025), announced the beginning of negotiations for a Free Trade Agreement between the two countries during a joint press conference in Male with Prime Minister Narendra Modi.