മനാമ: ബഹ്റൈനിലെ മുഹറഖിൽ പൂച്ചക്കുട്ടികളെ അതിക്രൂരമായി ആക്രമിച്ച കൗമാരക്കാരനെ പൊലിസ് കസ്റ്റഡിയിലെടുത്തു. പൂച്ചകളെ കെട്ടിടത്തിന്റെ ചുമരുകളിലേക്ക് ആവർത്തിച്ച് എറിഞ്ഞ് ഉപദ്രവിക്കുന്നതിന്റെ വീഡിയോ സാമൂഹിക മാധ്യമങ്ങളിൽ വൈറലായതോടെയാണ് അധികൃതർ നടപടിയെടുത്തത്. ബഹ്റൈൻ സൊസൈറ്റി ഫോർ ദി പ്രിവൻഷൻ ഓഫ് ക്രൂവൽറ്റി ടു അനിമൽസ് (BSPCA) നൽകിയ പരാതിയെ തുടർന്നാണ് മുഹറഖ് ഗവർണറേറ്റ് പൊലിസ് അന്വേഷണം ആരംഭിച്ചത്.

വീഡിയോ പ്രചരിച്ചത് ജനരോഷത്തിന് ഇടയാക്കി, ഇതോടെ പൊലിസ് കൗമാരക്കാരനെ കണ്ടെത്തി. പബ്ലിക് പ്രോസിക്യൂഷൻ കൗമാരക്കാരന്റെ മാനസിക പരിശോധന നടത്തുമെന്ന് അറിയിച്ചു. ശിശുസംരക്ഷണ കേന്ദ്രത്തിന്റെ പ്രാഥമിക റിപ്പോർട്ടിൽ കുട്ടിയുടെ പെരുമാറ്റത്തിൽ അക്രമാസക്ത മനോഭാവം കണ്ടെത്തി, ആക്രമണോത്സുകതയും പെരുമാറ്റ വൈകല്യങ്ങളും സ്ഥിരീകരിച്ചു.

കേസ് ശിശുക്ഷേമ ജുഡീഷ്യൽ കമ്മിറ്റിക്ക് വിട്ടതായും കൗമാരക്കാരനെ മൂന്ന് മാസത്തേക്ക് ജുഡീഷ്യൽ പ്രൊബേഷനിൽ വയ്ക്കാൻ കമ്മിറ്റി ഉത്തരവിട്ടതായും അധികൃതർ വ്യക്തമാക്കി. ഈ കാലയളവിൽ ഒരു വിദഗ്ധന്റെ നേതൃത്വത്തിലുള്ള കമ്മിറ്റി കുട്ടിയുടെ മാനസിക-പെരുമാറ്റ അവസ്ഥ വിലയിരുത്തി റിപ്പോർട്ട് സമർപ്പിക്കും.

 

 

 

 

 

View this post on Instagram

 

 

 

 

 

 

 

 

 

 

 

A post shared by Layla Alkhabbaz❥🇧🇭ليـلى الخـبّاز (@catspiritual)