പാലക്കാട്: തിരുവനന്തപുരം ഡിവിഷനിൽ വിവിധ ദിവസങ്ങളിൽ ട്രാക്ക് മെയിന്റനൻസ് ജോലികൾ സുഗമമാക്കുന്നതിനായി ട്രെയിൻ സർവിസുകളിൽ മാറ്റങ്ങൾ വരുത്തിയതായി റെയിൽവേ അറിയിച്ചു. 66609 പാലക്കാട് ജങ്ഷൻ - എറണാകുളം ജങ്ഷൻ മെമു, 66610 എറണാകുളം - പാലക്കാട് ജങ്ഷൻ മെമു എന്നിവ ഓഗസ്റ്റ് രണ്ട്, മൂന്ന്, ആറ്, ഒമ്പത്, 10 തീയതികളിൽ പൂർണമായും റദ്ദാക്കും.

12511 ഖൊരഖ്പൂർ ജങ്ഷൻ - തിരുവനന്തപുരം നോർത്ത് രപ്തിസാഗർ എക്‌സ്പ്രസ് ഓഗസ്റ്റ് ഏഴ്, എട്ട് തീയതികളിൽ 100 മിനിറ്റും, 16308 കണ്ണൂർ - ആലപ്പുഴ എക്‌സ്പ്രസ് രണ്ട്, മൂന്ന്, ആറ്, ഒമ്പത്, 10 തീയതികളിൽ 90 മിനിറ്റും, 22645 ഇൻഡോർ ജങ്ഷൻ - തിരുവനന്തപുരം നോർത്ത് സൂപ്പർഫാസ്റ്റ് എക്‌സ്പ്രസ് നാലിന് 90 മിനിറ്റും, 20631 മംഗളൂരു സെൻട്രൽ - തിരുവനന്തപുരം സെൻട്രൽ വന്ദേ ഭാരത് എക്‌സ്പ്രസ് രണ്ട്, ഒമ്പത് തീയതികളിൽ 55 മിനിറ്റും വൈകി ഓടും.

17230 സെക്കന്തരാബാദ് ജങ്ഷൻ - തിരുവനന്തപുരം സെൻട്രൽ ശബരി എക്‌സ്പ്രസ് എട്ടിന് 60 മിനിറ്റും 66609 പാലക്കാട് ജങ്ഷൻ - എറണാകുളം ജങ്ഷൻ മെമു എട്ടിന് 45 മിനിറ്റും 13351 ധന്ബാദ് ജങ്ഷൻ- ആലപ്പുഴ എക്‌സ്പ്രസ് മൂന്നിന് 35 മിനിറ്റും വഴിയിൽ നിയന്ത്രിക്കും.

അറ്റകുറ്റപ്പണികളുടെ ഭാഗമായി ഈ മാസം 4,6,8,10,12,15,17,19 തീയതികളിൽ രാത്രി 11.15ന് പുറപ്പെടുന്ന ഗുരുവായൂർ- ചെന്നൈ എഗ്മോർ എക്‌സ്പ്രസ് (16128) ആലപ്പുഴയ്ക്ക് പകരം കോട്ടയം വഴിയായിരിക്കും സർവിസ് നടത്തുക. കോട്ടയം, ചെങ്ങന്നൂർ സ്‌റ്റേഷനുകളിൽ അധിക സ്റ്റോപ്പുകൾ അനുവദിച്ചതായി തിരുവനന്തപുരം റെയിൽവേ ഡിവിഷൻ അറിയിച്ചു. വന്ദേഭാരത് ട്രെയിനിനും നിയന്ത്രണം ഏർപ്പെടുത്തും.
 

Railways have announced changes in train services on various days in the Thiruvananthapuram division to facilitate smooth track maintenance work.