കാപ്പി കുടിക്കാന്‍ ഇഷ്ടമുള്ളവര്‍ ഒരുപാടുപേരുണ്ട്. പ്രത്യേകിച്ച് മലയാളികള്‍. നിശ്ചിത അളവില്‍ കാപ്പിയില്‍ കഫിന്‍ ഉള്ളത് ശരീരത്തിന് ഊര്‍ജവും ഉന്‍മേഷവും നല്‍കുന്നതാണ്. എന്നാല്‍ അമിതമായ കാപ്പി കുടി ആരോഗ്യത്തിന് ഹാനികരവുമാണ്. ഈ സാഹചര്യത്തില്‍, കഫീന്‍ ഇല്ലാതെ കാപ്പി ഉണ്ടാക്കാന്‍ കഴിയുമെന്ന് നിങ്ങള്‍ക്കറിയുമോ?  ഇതിനു വേണ്ടി നമുക്ക് ഈന്തപ്പഴം ഉപയോഗിക്കുന്ന രീതി ഒന്നു പരീക്ഷിച്ചു നോക്കാം. 

കാപ്പിയുടെ രുചി പലര്‍ക്കും ഇഷ്ടമാണെങ്കിലും അതിലെ കഫീന്‍ കാരണം പലപ്പോഴും കാപ്പി കുടിക്കുന്നത് നിര്‍ത്തുകയോ കുറയ്ക്കുകയോ ചെയ്യുന്നവരുമുണ്ട്. നിങ്ങള്‍ക്ക് കാപ്പി ഇഷ്ടമാവുകയും എന്നാല്‍ കഫീനെ ഭയപ്പെടുന്നുമുണ്ടോ? ഒരു നിശ്ചിത അളവിലുള്ള കഫീന്‍ ശരീരത്തിന് ഊര്‍ജവും പുതുമയും നല്‍കുന്നുണ്ടെങ്കിലും അത് അമിതമായി കഴിക്കുന്നത് ചില പാര്‍ശ്വഫലങ്ങള്‍ക്ക് കാരണമാകുന്നതാണ്. 

എന്നാല്‍ ഈത്തപ്പഴത്തില്‍ നിന്ന് ഉണ്ടാക്കുന്ന ആരോഗ്യകരമായ കാപ്പിപ്പൊടി നിങ്ങള്‍ക്ക് ഒരു മികച്ച ഓപ്ഷനാണ്. ഇതിന്റെ രുചി യഥാര്‍ത്ഥ കാപ്പി പോലെ തന്നെയാണ്. പക്ഷേ അതില്‍ കഫീന്‍ ഒട്ടും അടങ്ങിയിട്ടുമില്ല. ഇത് വീട്ടില്‍ തന്നെ ഉണ്ടാക്കാവുന്നതും വളരെ എളുപ്പവുമാണ്. 

ആദ്യം ഈത്തപ്പഴം എടുത്ത് അതിന്റെ കുരു കളഞ്ഞു നന്നായി കഴുകുക. ശേഷം ഈ കുരു ഒരു ഒരു പാത്രത്തില്‍ വച്ച്  ദിവസവും വെയിലത്ത് ഉണക്കിയെടുക്കുക. നന്നായി ഉണങ്ങണം. പൊടിക്കാന്‍ പാകമാവുന്ന തരത്തില്‍. ശേഷം ഇതൊന്നു വറുത്തെടുക്കുക. അതിനുശേഷം പൊടിക്കുക.

വിത്തുകള്‍ ഉണങ്ങിക്കഴിഞ്ഞാല്‍, ഒരു പാന്‍ ചൂടാക്കി ഈ വിത്തുകള്‍ കടും തവിട്ട് നിറമാകുന്നതുവരെ കുറഞ്ഞ തീയില്‍ വറുത്തെടുക്കണം. കാപ്പിക്കുരു വറുക്കുന്നതുപോലെതന്നെ. ഇത് വിത്തുകളിലെ ശേഷിക്കുന്ന ഈര്‍പ്പം നീക്കം ചെയ്യുന്നതാണ്. വറുത്തു കഴിഞ്ഞാല്‍ തണുക്കാന്‍ മാറ്റി വയ്ക്കുക.

ALSO READ: പല്ലിന്റെ മഞ്ഞനിറം കാരണം ചിരിക്കാനും സംസാരിക്കാനുമുള്ള ആത്മവിശ്വാസം കുറയുന്നുണ്ടെങ്കില്‍ ഇതുമാത്രം ചെയ്താല്‍ മതി...! തിളക്കമുള്ള പല്ലുകള്‍ നിങ്ങള്‍ക്കു ലഭിക്കും

തണുത്തതിനുശേഷം വിത്തുകള്‍ ഒരു മിക്‌സിയില്‍ ഇട്ട് നേര്‍ത്ത പൊടിയാക്കുക. നിങ്ങളുടെ കാപ്പിപ്പൊടി തയ്യാറായി. വായു കടക്കാത്ത പാത്രത്തില്‍ സൂക്ഷിച്ചു വയ്ക്കുക. സാധാരണ കാപ്പി പോലെ നിങ്ങള്‍ക്ക് ഈ പൊടിയും ഉപയോഗിക്കാം. ഒരു കപ്പ് ചൂടുവെള്ളത്തിലോ പാലിലോ ഒരു സ്പൂണ്‍ പൊടി ചേര്‍ത്ത് കഫീന്‍ രഹിതവും ആരോഗ്യകരവുമായ കാപ്പി നിങ്ങള്‍ക്കു കുടിക്കാവുന്നതാണ്.

വായുകടക്കാത്ത പാത്രത്തില്‍ വേണം ഇട്ടു വയ്ക്കാന്‍. അല്ലെങ്കില്‍ കാപ്പിയുടെ മണവും രുചിയും പെട്ടെന്ന് മങ്ങിപ്പോകും. 
കട്ടകളും പൂപ്പലും ഉണ്ടാകാതിരിക്കാന്‍ ഈര്‍പ്പം അകറ്റി നിര്‍ത്തണം. കാപ്പിപ്പൊടി എപ്പോഴും ഉണങ്ങിയ സ്ഥലത്ത് സൂക്ഷിക്കുകയും വേണം.