കൊല്ലം: പത്തനാപുരത്ത് വനിത ഡോക്ടറെ പീഡിപ്പിക്കാൻ ശ്രമിച്ച യുവാവ് പിടിയിൽ. സംഭവത്തിൽ പത്തനാപുരം കാരംമൂട് സ്വദേശി സൽദാൻ ആണ് അറസ്റ്റിലായത്. ഇന്നലെ വൈകിട്ട് ആണ് സംഭവം നടന്നത്. ക്ലിനിക്കൽ വനിത ഡോക്ടർ ഒറ്റക്ക് ആയപ്പോഴാണ് ഇയാൾ ആക്രമണം നടത്തിയത്.

ALSO READ: യുഡിഎഫ് നൂറ് തികച്ചാല്‍ ഞാന്‍ രാജിവെക്കും, തികച്ചില്ലെങ്കില്‍ സതീശന്‍ വനവാസത്തിന് പോകുമോ?: വെള്ളാപ്പള്ളി നടേശന്‍

ക്ലിനിക്കിലെ ജീവനക്കാരെല്ലാം പോയെന്ന് ഉറപ്പ് വരുത്തിയ ശേഷം ഇയാൾ ക്ലിനിക്കിൽ എത്തി ഡോക്ടറെ കടന്നു പിടിക്കുകയായിരുന്നു. ശബ്ദം ഉണ്ടാക്കാൻ ശ്രമിച്ച ഡോക്ടറുടെ വായിൽ ഇയാൾ തുണി തിരുകിയും പീഡിപ്പിക്കാൻ ശ്രമിക്കുകയായിരുന്നു. ഓടി രക്ഷപ്പെട്ട ഡോക്ടർ നാട്ടുകാരെ വിളിച്ച് കൂട്ടുകയും തുടർന്ന് പ്രതിയെ പിടികൂടുകയുമായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.