തിരുവനന്തപുരം: വയനാട് ചൂരൽമല-മുണ്ടക്കൈ ഉരുൾപൊട്ടലിൽ ദുരിതമനുഭവിക്കുന്നവർക്കായി നിർമിച്ച ടൗൺഷിപ്പിലെ വീടുകളുടെ ചെലവ് സംബന്ധിച്ച് റവന്യൂ മന്ത്രി കെ. രാജൻ വിശദമായ വിശദീകരണം നൽകി. സോഷ്യൽ മീഡിയയിൽ ഒരു വീടിന്റെ നിർമാണച്ചെലവ് 30 ലക്ഷം രൂപയാണെന്നും എന്നാൽ ആ തുകയ്ക്ക് അനുസരിച്ചുള്ള വലിപ്പം വീടിനില്ലെന്നും ഉയർന്ന വിമർശനങ്ങൾക്ക് മറുപടിയായാണ് മന്ത്രി കണക്കുകൾ നിരത്തിയത്. ഒരു വീടിന്റെ ആകെ ചെലവ് 18% ജിഎസ്ടി ഉൾപ്പെടെ 26,95,000 രൂപയാണെന്ന് മന്ത്രി ഫേസ്ബുക്ക് കുറിപ്പിൽ വ്യക്തമാക്കി.

ചിലവിന്റെ വിശദാംശങ്ങൾ

മന്ത്രി കെ. രാജൻ പങ്കുവെച്ച കണക്കുകൾ പ്രകാരം, ഒരു വീടിന്റെ അടിസ്ഥാന നിർമാണച്ചെലവ് 22 ലക്ഷം രൂപയാണ്. ഇതിനു പുറമേ, ഇനിപ്പറയുന്ന ചെലവുകൾ ഉൾപ്പെടുന്നു:
ഡിഫക്ട്സ് ലയബിലിറ്റി ഇംപാക്ട് (3, 5 വർഷത്തേക്ക്): 11,000 രൂപ
കണ്ടിജൻസീസ് ആൻഡ് അഡീഷണൽ സൈറ്റ് ഫെസിലിറ്റി: 66,000 രൂപ
18% ജിഎസ്ടി: 3,96,000 രൂപ
WWCF ചെലവ് (1%): 22,000 രൂപ

ആകെ ചിലവ്: 26,95,000 രൂപ

ALSO READ: ഹൈവേയിൽ സഡൻ ബ്രേക്ക് ഇട്ടാൽ ഡ്രൈവർ കുടുങ്ങും; സുപ്രീംകോടതി

ടൗൺഷിപ്പിന്റെ സവിശേഷതകൾ

വയനാട് ടൗൺഷിപ്പ് സർക്കാർ ധനസഹായത്തോടെ EPC (എൻജിനീയറിങ്, പ്രൊക്യുർമെന്റ്, കൺസ്ട്രക്ഷൻ) മാതൃകയിൽ നിർമിക്കപ്പെട്ട ഒരു സമഗ്ര പദ്ധതിയാണ്. പ്രധാന സവിശേഷതകൾ:

റെസിഡൻഷ്യൽ യൂണിറ്റുകൾ: 410 വീടുകൾ
സാമൂഹിക സൗകര്യങ്ങൾ: സ്മാരകം, അങ്കണവാടി, കമ്മ്യൂണിറ്റി & പുനരധിവാസ കേന്ദ്രം, ഓപ്പൺ എയർ തിയേറ്റർ, ആരോഗ്യ കേന്ദ്രം, ലാബ്, മെറ്റീരിയൽ ശേഖരണ കേന്ദ്രം, മാർക്കറ്റ്, ഫുട്ബോൾ ഗ്രൗണ്ട്, 3 പൊതു ശുചിമുറികൾ
ജലവിഭവ വിനിയോഗം: 7.5 ലക്ഷം ലിറ്റർ ശേഷിയുള്ള ഭൂഗർഭ സംഭരണി, 2.5 ലക്ഷം ലിറ്റർ ശേഷിയുള്ള ഓവർഹെഡ് വാട്ടർ ടാങ്ക്, 10 മലിനജല ശുദ്ധീകരണ പ്ലാന്റുകൾ, 9 റിട്ടൻഷൻ പോണ്ടുകൾ
റോഡുകൾ: 11.42 കിലോമീറ്റർ റോഡുകൾ (1.1 കി.മീ പ്രധാന റോഡ്, 2.77 കി.മീ ഉപറോഡ്, 7.55 കി.മീ ആന്തരിക റോഡുകൾ)
മറ്റ് സൗകര്യങ്ങൾ: ചെറിയ പാലങ്ങൾ, കലുങ്കുകൾ, ലാൻഡ്സ്കേപ്പിംഗ്, ഭൂഗർഭ കേബിളിംഗ്, തെരുവ് വിളക്കുകൾ, ഇന്റർലോക്ക് പേയ്മെന്റ്, ചുറ്റുമതിൽ, ഗേറ്റ്

ബാധ്യതാ കാലയളവ്: MEP ഇനങ്ങൾക്ക് 3 വർഷം, സിവിൽ നിർമ്മാണത്തിന് 5 വർഷം

ALSO READ: തിരുവനന്തപുരം മെഡിക്കൽ കോളജ് വിവാദം: ഡോ. ഹാരിസിനെതിരെ നടപടിക്ക് നീക്കം, പ്രതിഷേധം ശക്തം

മോഡൽ ഹൗസിന്റെ സവിശേഷതകൾ

ടൗൺഷിപ്പിലെ ഓരോ വീടും ഉയർന്ന നിലവാരമുള്ള നിർമാണ സാമഗ്രികളും സാങ്കേതികവിദ്യയും ഉപയോഗിച്ചാണ് നിർമിച്ചിരിക്കുന്നത്. പ്രധാന സവിശേഷതകൾ:

ഘടന

അടിത്തറ: 9 RCC അടിത്തറകൾ, 1.5 മീറ്റർ മുതൽ 2.5 മീറ്റർ വരെ ആഴത്തിൽ, തേയിലച്ചെടികളുടെ വേരുകൾ ഒഴിവാക്കാനും ഭാരം താങ്ങാനും.
ഭൂകമ്പ പ്രതിരോധം: IS 1893-2002 അനുസരിച്ച് RCC ഫ്രെയിം ഘടന.
ഭിത്തികൾ: ഷിയർ ഭിത്തികൾ, കോളങ്ങൾക്ക് പകരം.
മേൽക്കൂര: RCC സ്ലാബ്, വരാന്തയ്ക്ക് സ്റ്റീൽ ഫ്രെയിമും മംഗലാപുരം ഓടുകളും.
ഗോവണി: സ്റ്റീൽ പുറം ഗോവണി.

ഭിത്തികളും ഫിനിഷിംഗും

കൽപ്പണി: ഉയർന്ന നിലവാരമുള്ള കോൺക്രീറ്റ് ബ്ലോക്കുകൾ.
പ്ലാസ്റ്ററിംഗ്: 12mm ഭിത്തി (1:4 സിമന്റ് മോർട്ടാർ), 9mm സീലിംഗ് (1:3 സിമന്റ് മോർട്ടാർ).
ടൈലിംഗ്: കജരിയ മാറ്റ് ഫിനിഷ് വിട്രിഫൈഡ് ടൈലുകൾ, ടോയ്ലറ്റുകളിൽ എപ്പോക്സി ജോയിന്റുകൾ, ലപട്രോ സ്റ്റീൽ ഗ്രേ ഗ്രാനൈറ്റ് സിറ്റ്-ഔട്ടിനും പടികൾക്കും, കറുപ്പ് പോളിഷ് ഗ്രാനൈറ്റ് കൗണ്ടർ.

പെയിന്റ്: ഏഷ്യൻ പെയിന്റ്സ് പ്രീമിയം അക്രിലിക് എമൽഷൻ (7 വർഷം വാറന്റി), ഡാംപ്-പ്രൂഫ് പ്രൈമർ, വാട്ടർ പ്രൂഫിംഗ്.

ജോയിനറീസ്
ജനലുകൾ: 20 വർഷം വാറന്റിയുള്ള UPVC.
കതകുകൾ: കിറ്റ്പ്ലൈ ഫ്ലഷ് ഡോറുകൾ, ടാറ്റാ പ്രവേഷ് സ്റ്റീൽ ഡോറുകൾ, FRP ടോയ്ലറ്റ് കതകുകൾ, ഗോദ്രേജ് ഹാർഡ്‌വെയർ.
കൊതുകുവല: SS 304 ഗ്രേഡ്, അലുമിനിയം പൗഡർ കോട്ടഡ് ഫ്രെയിം.

PHE ഇനങ്ങൾ

ബാത്റൂം ഫിക്സ്ചറുകൾ: CERA (10 വർഷം വാറന്റി).
സിങ്കുകൾ: CERA മാറ്റ് ഫിനിഷ്, 1000 ലിറ്റർ PVC വാട്ടർ ടാങ്ക്.
മലിനജലം: PVC മാൻഹോൾ കവറുകൾ.

അകത്തെ നിർമ്മാണങ്ങൾ

അലമാരകൾ: ലാമിനേറ്റഡ് മറൈൻ പ്ലൈവുഡ്, എബ്കോ ഹാർഡ്‌വെയർ (3 വർഷം വാറന്റി).
കണ്ണാടികൾ: 6mm സെന്റ്-ഗോബൈൻ.
ഇലക്ട്രിക്കൽ ജോലികൾ
വയറിംഗ്: BALCO കണ്ട്യൂട്ടുകളിൽ V-ഗാർഡ് FRLSH കോപ്പർ.
സ്വിച്ചുകൾ: MK ഹണിവെൽ മോഡുലാർ.
വൈദ്യുതി: 3-ഫേസ്, L&T ഡിസ്ട്രിബ്യൂഷൻ ബോർഡ്, ഹെൻസെൽ IP65 മീറ്റർ.
ഫിറ്റിംഗുകൾ: ഫിലിപ്സ് ലൈറ്റുകൾ, ഹാവെൽസ് BLDC ഫാനുകൾ, ഇൻവെർട്ടർ, എസി, വാട്ടർ ഹീറ്റർ സൗകര്യങ്ങൾ.

Minister K. Rajan addresses controversy over Wayanad Township house costs, clarifying that each unit costs ₹26.95 lakh, including 18% GST, refuting claims of ₹30 lakh