നീണ്ട 14 വർഷത്തോളം നീണ്ടു നിന്ന ക്രിക്കറ്റ് കരിയറിൽ ഒരുപിടി മികച്ച ബൗളർമാരെ നേരിട്ട താരമാണ് സൗത്ത് ആഫ്രിക്കൻ ഇതിഹസം എബി ഡിവില്ലിയേഴ്‌സ്. ഇപ്പോൾ തന്നെ ഏറ്റവും കൂടുതൽ ബുദ്ധിമുട്ടിച്ച ബൗളർ ആരാണെന്ന് തുറന്നു പറഞ്ഞിരിക്കുകയാണ് എബി ഡിവില്ലിയേഴ്‌സ്. മുൻ പാകിസ്താൻ പേസർ മുഹമ്മദ് ആസിഫിന്റെ പേരാണ് മുൻ സൗത്ത് ആഫ്രിക്കൻ താരം പറഞ്ഞത്. 

''എനിക്ക് തോന്നുന്നു മുഹമ്മദ് ആസിഫ്. പണ്ട് എന്റെ ചെറുപ്പകാലത്ത് എന്റെ കരിയറിന്റെ അവസാന കാലത്തെ പോലെ ക്രിക്കറ്റിലെ എന്റെ ടെക്നിക് അത്ര മികച്ചതായിരുന്നില്ല. അദ്ദേഹം എന്റെ കാര്യത്തിൽ ചില ബലഹീനതകൾ കണ്ടെത്തി. അദ്ദേഹം ഒരു അത്ഭുതകരമായ ബൗളറായിരുന്നു, ലോകമെമ്പാടുമുള്ള നിരവധി ബാറ്റ്‌സ്മാന്മാരെ അദ്ദേഹം ബുദ്ധിമുട്ടിച്ചു," ഡിവില്ലിയേഴ്‌സ് സ്‌പോർട്‌സ് ടാക്കിനോട് പറഞ്ഞു.

2005ൽ പാകിസ്താനായി അരങ്ങേറ്റം കുറിച്ച താരമാണ് ആസിഫ്. പാകിസ്താനായി 23 ടെസ്റ്റ് മത്സരങ്ങളിൽ നിന്നും 106 വിക്കറ്റുകളും 38 ഏകദിനത്തിൽ നിന്നും  46 വിക്കറ്റുകളും ആസിഫ് നേടിയിട്ടുണ്ട്. ടി-20യിൽ 13 വിക്കറ്റുകളും താരം നേടി. മുഹമ്മദ് ആമിറിനും അന്നത്തെ പാക് നായകൻ സൽമാൻ ബട്ടിനുമൊപ്പം സ്പോട്ട് ഫിക്സിംഗ് കേസിൽ പിടിക്കപ്പെട്ടതിന് പിന്നാലെ താരത്തിന്റെ ക്രിക്കറ്റ് കരിയർ പെട്ടന്ന് തന്നെ അവസാനിച്ചിരുന്നു. ആസിഫ് 2010ലാണ് പാകിസ്താനായി അവസാനമായി കളിച്ചത്. 

South African legend AB de Villiers has faced a handful of great bowlers in his 14-year cricket career. AB de Villiers has openly revealed who the bowler who gave him the most trouble. The former South African player mentioned the name of former Pakistani pacer Mohammad Asif.