കുവൈത്ത് സിറ്റി: കുവൈത്തില്‍ ഡ്രൈവിങ് ലൈസന്‍സ് നിയമങ്ങളില്‍ ഭേദഗതി വരുത്തി. പുതുക്കിയ ഭേദഗതിപ്രകാരം ഏഴ് യാത്രക്കാരില്‍ കൂടുതല്‍ ഉള്‍ക്കൊള്ളാത്ത സ്വകാര്യ വാഹനങ്ങള്‍, രണ്ട് ടണ്ണില്‍ കൂടാത്ത ലോഡ് കപ്പാസിറ്റിയുള്ള ട്രാന്‍സ്‌പോര്‍ട്ട് വാഹനങ്ങള്‍, ടാക്‌സികള്‍, ആംബുലന്‍സുകള്‍ എന്നിവക്ക് ഇനി സ്വകാര്യ ലൈസന്‍സ് നല്‍കും. ഗതാഗത നിയമത്തിന്റെ എക്‌സിക്യൂട്ടീവ് നിയന്ത്രണങ്ങളും അതിന്റെ ഭേദഗതികളും വിവരിക്കുന്ന മന്ത്രിതല പ്രമേയം നമ്പര്‍ 81/76 ലെ ആര്‍ട്ടിക്കിള്‍ 85 ലെ ക്ലോസ് 1ലാണ് ഭേദഗതികള്‍ വരുത്തിയത്.

പുതുക്കിയ നിയന്ത്രണം ഉടമയുടെ റെസിഡന്‍സി സ്റ്റാറ്റസിനെ അടിസ്ഥാനമാക്കി പുതിയ സാധുത കാലയളവുകള്‍ സജ്ജീകരിച്ചിട്ടുണ്ട്.

* കുവൈത്ത് പൗരന്മാര്‍ക്കും ഗള്‍ഫ് സഹകരണ കൗണ്‍സില്‍ (GCC) രാജ്യങ്ങളിലെ പൗരന്മാര്‍ക്കും 15 വര്‍ഷം

* പ്രവാസികള്‍ക്ക് (കുവൈത്ത് ഇതരര്‍) 5 വര്‍ഷം

* രാജ്യമില്ലാത്തവര്‍ക്കുള്ള (ബദാവൂന്‍) കാര്‍ഡ് അവലോകനത്തിന്റെ കാലാവധി അനുസരിച്ച്.

ഔദ്യോഗിക ഗസറ്റില്‍ തീരുമാനം പ്രസിദ്ധീകരിച്ചാലുടന്‍ വേണ്ട നടപടികള്‍ സ്വീകരിക്കാന്‍ ആഭ്യന്തര മന്ത്രാലയത്തിന്റെ ആക്ടിംഗ് അണ്ടര്‍സെക്രട്ടറി ബാധ്യസ്ഥനാണ്. ഇതുമായി ബന്ധപ്പെട്ട് 66,584 ഡ്രൈവിംഗ് ലൈസന്‍സുകള്‍ റദ്ദാക്കിയതായി മന്ത്രാലയം സ്ഥിരീകരിച്ചു. എന്നാല്‍ റദ്ദാക്കിയതിന്റെ കാരണം സംബന്ധിച്ച് കൂടുതല്‍ വിശദാംശങ്ങള്‍ നല്‍കിയിട്ടില്ല.

ALSO READ: ആറുമാസംകൊണ്ട് ദുബൈയില്‍ യാത്ര ചെയ്തവര്‍ 39 കോടിയാളുകള്‍, ഏറ്റവും തിരക്കേറിയ മെട്രോ സ്റ്റേഷന്‍ ബുര്‍ജുമാന്‍, ആരെയും ആകര്‍ഷിപ്പിക്കുന്ന ദുബൈയിലെ മൊബിലിറ്റി

Kuwait has amended its driving license laws. The amendments are made to Article 85, Clause 1, of Ministerial Resolution No. 81/76, which describes the executive regulations of the Traffic Law and its amendments.