കുവൈത്ത സിറ്റി: എഴുത്തുകാരുടെ കൂട്ടായ്മയായ പ്രതിഭ കുവൈറ്റിന്റെ പ്രതിമാസ യോഗം ഫഹഹീലിൽ ചേർന്നു. യുദ്ധ സമാനമായ ഇന്നത്തെ പരിത:സ്ഥിതിയിൽ ലോകം ഇരുണ്ടതായിരിക്കുമ്പോൾ മുന്നോട്ടുള്ള യാത്രയ്ക്ക് എഴുത്തുകാരുടെ സൃഷ്ടികൾ ചെറു നക്ഷത്രങളുടേതു പോലെ വെളിച്ചം വിതറുന്നതാണെന്ന് യോഗം അഭിപ്രായപ്പെട്ടു.
പ്രവീൺ കൃഷ്ണ എഡിറ്ററായ “ചെറു താരകങ്ങൾ” എന്ന പേരിലുള്ള ജൂലൈ മാസത്തെ മാഗസിൻ സതീശൻ പയ്യന്നൂരിന് കോപ്പി നൽകി ജ്യോതിദാസ് പ്രകാശനം ചെയ്തു. മാഗസിനിലെ കൃതികളിന്മേലുള്ള ചർച്ചയും തുടർന്നുണ്ടായിരുന്നു. പ്രതിഭ കുവൈത്തിന്റെ ആഭിമുഖ്യത്തിൽ കുവൈറ്റിലെ എഴുത്തുകാർക്കായി  ചെറുകഥാ ശില്പശാല നവംബറിൽ നടത്താനും തീരുമാനിച്ചു. പ്രേമൻ ഇല്ലത്ത് അദ്ധ്യക്ഷത വഹിച്ച യോഗത്തിൽ ജ്യോതിദാസ്, സേവ്യർ ആന്റണി, പ്രവീൺ കൃഷ്ണ, സതീശൻ പയ്യന്നൂർ, മണികണ്ഠൻ വട്ടംകുളം, എഞ്ചിനീയർ ജവാഹർ.കെ എന്നിവർ ചർച്ചയിൽ പങ്കെടുത്ത് സംസാരിച്ചു.

Pratibha Kuwait organizes short story workshop