മലപ്പുറം: ഓണത്തോടനുബന്ധിച്ച്  പട്ടികവര്‍ഗ കുടുംബങ്ങള്‍ക്ക് ഓണക്കിറ്റും 60 വയസ് കഴിഞ്ഞ മുതിര്‍ന്നവര്‍ക്ക്  ഓണക്കോടിയും വിതരണം ചെയ്തു. ജില്ലയിലെ 5102 കുടുംബങ്ങള്‍ക്ക് പട്ടികവര്‍ഗ  വികസന വകുപ്പ് മുഖേന സൗജന്യമായി ഓണക്കിറ്റുകള്‍ വിതരണം ചെയ്യുന്നതിന്റെ ജില്ലാതല  ഉദ്ഘാടനം ഊര് മൂപ്പന്‍ ഹരിദാസന് നല്‍കി പി.വി അന്‍വര്‍ എം.എല്‍.എ നിര്‍വഹിച്ചു.
പാടിക്കുന്ന് പട്ടികവര്‍ഗ  സെറ്റില്‍മെന്റില്‍ നടന്ന ചടങ്ങില്‍ നിലമ്പൂര്‍ നഗരസഭാ ചെയര്‍പേഴ്‌സണ്‍ പത്മിനി ഗോപിനാഥ്, കെ. കൃഷ്ണന്‍, ട്രൈബല്‍  എക്സ്റ്റന്‍ഷന്‍ ഓഫീസര്‍ പിരാജീവ്, മെമ്പര്‍മാര്‍ എന്നിവര്‍ പങ്കെടുത്തു.