തേവലക്കരയിൽ എട്ടാം ക്ലാസ് വിദ്യാർഥി മിഥുൻ ഷോക്കേറ്റ് മരിച്ച സംഭവത്തിൽ തദ്ദേശഭരണ വകുപ്പിന്റെ ചീഫ് എഞ്ചിനീയർ സമർപ്പിച്ച റിപ്പോർട്ടിൽ പഞ്ചായത്തിന് വീഴ്ച വന്നതായി സമ്മതിച്ചു. സുരക്ഷാ മാനദണ്ഡങ്ങൾ പാലിക്കാതെ വൈദ്യുതി ലൈൻ കടന്നുപോകുന്നത് റിപ്പോർട്ട് ചെയ്യാതിരുന്നതിൽ മൈനാഗപ്പള്ളി പഞ്ചായത്ത് അസിസ്റ്റന്റ് എഞ്ചിനീയർക്ക് ജാഗ്രതക്കുറവ് സംഭവിച്ചുവെന്ന് റിപ്പോർട്ട് വ്യക്തമാക്കുന്നു.

സ്കൂൾ കെട്ടിടത്തോട് ചേർന്ന് അനധികൃതമായി നിർമിച്ച സൈക്കിൾ ഷെഡ് പൊളിച്ചുനീക്കേണ്ടതായിരുന്നുവെന്നും റിപ്പോർട്ടിൽ ചൂണ്ടിക്കാട്ടുന്നു. 27 വർഷം പഴക്കമുള്ള കെട്ടിടത്തിന്റെ ചുവരിനോട് ചേർന്ന് നിർമിച്ച ഷെഡിന് പഞ്ചായത്തിന്റെയോ കെഎസ്ഇബിയുടെയോ അനുമതി ലഭിച്ചിരുന്നില്ല. അനധികൃത നിർമാണം ക്രമവത്കരിക്കണമെന്ന നിർദേശം സ്കൂൾ മാനേജ്മെന്റ് അവഗണിച്ചതിനെയും റിപ്പോർട്ട് വിമർശിക്കുന്നു.

ആദ്യ റിപ്പോർട്ട് തള്ളി, പുതിയ റിപ്പോർട്ടിൽ വീഴ്ച സമ്മതിച്ചു

ആദ്യം സമർപ്പിച്ച റിപ്പോർട്ട് മന്ത്രി എം.ബി. രാജേഷ് തള്ളിയതിനെ തുടർന്നാണ് വീഴ്ചകൾ തുറന്നുസമ്മതിച്ച് പുതിയ റിപ്പോർട്ട് തയ്യാറാക്കിയത്. സൈക്കിൾ ഷെഡിന്റെ മേൽക്കൂരയ്ക്ക് 88 സെന്റീമീറ്റർ മുകളിലൂടെ ലോ ടെൻഷൻ വൈദ്യുതി ലൈൻ കടന്നുപോകുന്നുണ്ടെന്ന് സ്ഥലപരിശോധനയിൽ കണ്ടെത്തി. എന്നാൽ, ഈ സുരക്ഷാ ഭീഷണി റിപ്പോർട്ട് ചെയ്യുന്നതിൽ അസിസ്റ്റന്റ് എഞ്ചിനീയർ വീഴ്ച വരുത്തി.

അനധികൃത ഷെഡ് ക്രമവത്കരിക്കാൻ നിർദേശിക്കുന്നതിന് പകരം, അത് അടിയന്തരമായി പൊളിച്ചുനീക്കാൻ നടപടി സ്വീകരിക്കേണ്ടതായിരുന്നുവെന്ന് റിപ്പോർട്ട് വ്യക്തമാക്കുന്നു. സ്കൂൾ മാനേജ്മെന്റിനോട് രേഖാമൂലം നിർദേശം നൽകിയിട്ടും, അവർ യാതൊരു നടപടിയും സ്വീകരിച്ചില്ലെന്നും റിപ്പോർട്ടിൽ കുറ്റപ്പെടുത്തുന്നു.

ഇത്തരം അപകടങ്ങൾ ഭാവിയിൽ ഒഴിവാക്കാൻ, പൊതു കെട്ടിടങ്ങൾക്ക് ഫിറ്റ്നസ് സർട്ടിഫിക്കറ്റ് നൽകുന്നതിന് തദ്ദേശഭരണ വകുപ്പ് എഞ്ചിനീയർ, സ്കൂൾ മാനേജ്മെന്റ് പ്രതിനിധി, പി.ടി.എ. പ്രതിനിധി, ഹെഡ്മാസ്റ്റർ, കെഎസ്ഇബി പ്രതിനിധി എന്നിവർ ഉൾപ്പെടുന്ന ഒരു കമ്മിറ്റി രൂപീകരിക്കണമെന്ന് റിപ്പോർട്ട് സർക്കാരിനോട് ശുപാർശ ചെയ്യുന്നു.

In the tragic electrocution death of eighth-grade student Mithun in Thevalakkara, the Local Self-Government Department's Chief Engineer has admitted to lapses by the Maynagappally Panchayat. The report highlights the failure to address a low-tension electric line passing unsafely 88 cm above an unauthorized cycle shed built next to the school building