ഗസ്സ: ഇസ്റാഈൽ ആക്രമണം തുടങ്ങിയതു മുതൽ ഗസ്സയിൽ ഇതുവരെ കൊല്ലപ്പെട്ടവരുടെ എണ്ണം 60,000 കവിഞ്ഞു. യുദ്ധക്കൊതിയൊടുങ്ങാത്ത ഇസ്റാഈൽ ഭരണകൂടം ആക്രമണത്തിനൊപ്പം പട്ടിണിക്കൊലയും തുടരുകയാണ്. 2023 ഒക്ടോബർ 7 നാണ് ഇസ്റാഈൽ ഗസ്സയിൽ വൻതോതിൽ ആക്രമണം തുടങ്ങിയത്. ഇന്നലെ വരെ 60,034 പേർ മരിച്ചതായാണ് ഗസ്സ ആരോഗ്യ മന്ത്രാലയം പുറത്തുവിട്ട കണക്കുകൾ. ചൊവ്വാഴ്ച ഭക്ഷണം തേടിയെത്തിയ 19 പേരടക്കം 62 പേർ കൊല്ലപ്പെട്ടതോടെയാണ് മരണം 60,000 കടന്നത്. 

ഗസ്സ സിറ്റിയിൽ ഭക്ഷണ, സഹായ വിതരണത്തിനായി 10 മണിക്കൂർ ആക്രമണം നിർത്തുമെന്ന് ഇസ്റാഈൽ അറിയിച്ചിട്ടുണ്ടെങ്കിലും കൊല്ലപ്പെടുന്നവരുടെ എണ്ണത്തിൽ കുറവില്ല.  ദിവസം ശരാശരി 90 പേർ വീതമാണ് കൊല്ലപ്പെടുന്നത്. 

മാസങ്ങളായി ഭക്ഷണ വിതരണം തടഞ്ഞതിനെ തുടർന്ന് 147 പേരാണ് ഗസ്സയിൽ പട്ടിണി കിടന്ന് മരിച്ചത്. ഇതിൽ 88 പേരും കുട്ടികളോ നവജാത ശിശുക്കളോ ആണ്. ഗസ്സയിലെ പട്ടിണി സാഹചര്യം അതീവ ഗുരുതരമാണെന്ന് ഇന്റഗ്രേറ്റഡ് ഫുഡ് സെക്യൂരിറ്റി ഫെയ്സ് ക്ലാസിഫിക്കേഷൻ (ഐ.പി.സി) പറഞ്ഞു. 

ALSO READ: ബ്രിട്ടന്റെ മുന്നറിയിപ്പ്: ഇസ്രാഈൽ വെടിനിർത്തൽ നടപ്പിലാക്കിയില്ലെങ്കിൽ ഫലസ്തീനെ സ്വതന്ത്ര രാഷ്ട്രമായി അംഗീകരിക്കും

കഴിഞ്ഞ 24 മണിക്കൂറിൽ പട്ടിണിയെ തുടർന്ന് മരിച്ചത് 14 പേരാണ്. ജൂലൈ ആദ്യപകുതിയിലാണ് ഗസ്സയിൽ പട്ടിണി മരണം വൻതോതിൽ വർധിച്ചത്. ഏപ്രിൽ മുതൽ ജൂലൈ 15 നകം 20,000 ൽപരം കുട്ടികളാണ് പോഷകാഹാരക്കുറവിനെ തുടർന്ന് ചികിത്സ തേടിയത്. ഇതിൽ 3000 പേർ കടുത്ത പോഷകാഹാരക്കുറവുള്ളവരാണ്.

Since the Israeli assault began, the death toll in Gaza has surpassed 60,000. The Israel regime, relentless in its hunger for war, continues not only its military offensive but also a campaign of starvation. The large-scale Israeli attack on Gaza began on October 7, 2023. According to figures released by the Gaza Health Ministry, as of yesterday, 60,034 people have died. The death toll crossed 60,000 after 62 people were killed on Tuesday alone, including 19 who had come in search of food.