ന്യൂഡൽഹി: ഇന്ത്യൻ ബാങ്കുകളിൽ അവകാശികളില്ലാതെ കിടക്കുന്നത് 67,003 കോടി രൂപ. ഈ നിക്ഷേപങ്ങളിൽ 87 ശതമാനവും കൈവശം വച്ചിരിക്കുന്നത് പൊതുമേഖല ബാങ്കുകളാണ്. 58,330.26 കോടി രൂപയാണ് പൊതുമേഖലാ ബാങ്കുകളിൽ അവകാശികളില്ലാതെ കിടക്കുന്നത്. ഇതിൽ 29ശതമാനവും സ്റ്റേറ്റ് ബാങ്ക് ഓഫ് ഇന്ത്യ (എസ്‌.ബി‌.ഐ) ആണ് കൈവശം വച്ചിരിക്കുന്നത്. എസ്‌.ബി‌.ഐയിൽ മാത്രം 19,239 കോടി രൂപയുടെ ഇത്തരം നിക്ഷേപങ്ങളുണ്ടെന്ന് ധനകാര്യ സഹമന്ത്രി പങ്കജ് ചൗധരി പാർലമെൻറിൽ വെളിപ്പെടുത്തി. 

2025 ജൂൺ 30 വരെയുള്ള കണക്കുകളാണിത്. 2023 മാർച്ച് വരെ അവകാശികളില്ലാത്ത 62,225 കോടി രൂപയാണ് ബാങ്കുകളിൽ ഉണ്ടായിരുന്നത്. ഇതാണിപ്പോൾ 67,003 കോടിയായി ഉയർന്നത്. എം.കെ വിഷ്ണു പ്രസാദ് എം.പിയുടെ ചോദ്യത്തിനുള്ള മറുപടിയായാണ് ഇക്കാര്യം കേന്ദ്രസർക്കാർ വെളിപ്പെടുത്തിയത്. പഞ്ചാബ് നാഷനൽ ബാങ്ക് (6,910.67 കോടി രൂപ), കനറാ ബാങ്ക് (6,278.14 കോടി), ബാങ്ക് ഓഫ് ബറോഡ (5,277.36 കോടി), യൂനിയൻ ബാങ്ക് ഓഫ് ഇന്ത്യ (5,104.50 കോടി) എന്നിവയാണ് അവകാശികളില്ലാത്ത നിക്ഷേപങ്ങൾ കൂടുതലുള്ള മറ്റ് പൊതുമേഖല ബാങ്കുകൾ. 

ALSO READ: 12,000 ജീവനക്കാരെ പുറത്താക്കി; കൂട്ടപിരിച്ചുവിടലുമായി  ടാറ്റ കൺസൾട്ടൻസി സർവീസസ്, ഓഹരി ഇടിഞ്ഞു

സ്വകാര്യ ബാങ്കുകളിൽ 8,673.72 കോടിയുടെ അവകാശികളില്ലാത്ത നിക്ഷേപമാണുള്ളത്. അതിൽ ഏറ്റവും കൂടുതൽ കൈവശം വച്ചിരിക്കുന്നത് ഐ.സി.ഐ.സി.ഐ ബാങ്കാണ്. 2,063.45 കോടി രൂപ. എച്ച്.ഡി.എഫ്‌.സി ബാങ്കിൽ 1,609 കോടിയും ആക്സിസ് ബാങ്കിൽ 1,360 കോടിയും അവകാശികളില്ലാതെ കിടക്കുന്നുണ്ട്. 

പത്ത് വർഷമായി യാതൊരു ഇടപാടും നടക്കാത്ത സേവിങ്സ്, കറന്റ് അക്കൗണ്ടുകളിലെ പണമാണ് ‘അവകാശികളില്ലാത്ത നിക്ഷേപം’ ആയി കണക്കാക്കുന്നത്. 10 വർഷം കഴിഞ്ഞാൽ ഈ പണം റിസർവ് ബാങ്ക് ഓഫ് ഇന്ത്യ (ആർ.ബി.ഐ) പരിപാലിക്കുന്ന ഡിപ്പോസിറ്റർ എഡ്യൂക്കേഷൻ ആൻഡ് അവയർനെസ് ഫണ്ടിലേക്ക് മാറ്റുകയാണ് ചെയ്യുക.

A total of ₹67,003 crore lies unclaimed in Indian banks. Of this, 87% is held by public sector banks, amounting to ₹58,330.26 crore. Notably, State Bank of India (SBI) alone accounts for 29% of these unclaimed deposits, holding ₹19,239 crore. This information was revealed in Parliament by Minister of State for Finance, Pankaj Chaudhary.