ചാലിയാറിന്റെ തീരത്ത് ഇരുട്ടുകുത്തി വനത്തിന് ഇക്കരെ എത്തിയപ്പോൾ കണ്ട ദൃശ്യം ദാരുണമായിരുന്നു. ഉരുൾ പൊട്ടി ഒഴുകിയെത്തിയത് ഭീമൻ വൃക്ഷങ്ങളും വീടുകളുടെ അവശിഷ്ടങ്ങളുമായിരുന്നു. കുത്തിയൊലിച്ചു വന്ന മലവെള്ളം വയനാട്ടിൽ നിന്ന് നിലമ്പൂരിലെ ചാലിയാറിന്റെ തീരത്ത് ബാക്കി വെച്ചത് കുറേ മനുഷ്യരേയും അവരുടെ സ്വപനങ്ങളേയും മാത്രം.
 
രക്ഷാപ്രവർത്തകർ കറുത്ത പ്ലാസ്റ്റിക് കവറിലും തുണികളിലുമായി തീരത്ത് നിന്ന് മൃതദേഹങ്ങളും ശരീരഭാഗങ്ങളും ശേഖരിക്കുകയാണ്. അദ്യ രണ്ട് ദിവസങ്ങളിൽ മാത്രം ചാലിയാറിൽ നിന്ന് ലഭിച്ചത് 52 മൃതദേഹങ്ങളും 75 ശരീരഭാഗങ്ങളും!. 

ആ ദിവസം മാത്രമല്ല, പിന്നീടുള്ള കുറേ ദിവസങ്ങൾ ചാലിയാറിന്റെ തീരങ്ങളിലും നിലമ്പൂർ ജില്ലാ ആശുപത്രിയിലുമായിരുന്നു. മൃതദേഹങ്ങൾ വയനാട്ടിലേക്ക് കൊണ്ടുപോവാനായി ഒരുക്കിവെച്ച ദിവസമായിരുന്നു ആ കാഴ്ച കണ്ടത്. 

എസ്.കെ.എസ്.എസ്.എഫ് വിഖായ പ്രവർത്തകന്റെ കൈയിൽ വെള്ളത്തുണിയിൽ പൊതിഞ്ഞ ഒരു പൊതി. അന്വേഷിച്ചപ്പോഴാണ് പറഞ്ഞത് അത് ഒരാളുടെ  ശരീരഭാഗമാണെന്ന്. അത് കേട്ടപ്പോൾ തന്നെ ഹൃദയം ഒന്നു പിടഞ്ഞു. കണ്ണുകളിൽ ഇരുട്ട് കയറി. 

 

ഇരുട്ടുകുത്തിയില്‍ ചാലിയാറിന്റെ തീരത്ത് രക്ഷാപ്രവര്‍ത്തകര്‍ കറുത്ത പ്ലാസ്റ്റിക് കവറിലും, തുണികളിലുമായി തീരത്ത് നിന്ന് മനുഷ്യ ശരീരങ്ങളും ശരീരഭാഗങ്ങളും ശേഖരിക്കുന്നു

 

ഇരുട്ടുകുത്തിയില്‍ ചാലിയാറിന്റെ തീരത്ത് രക്ഷാപ്രവര്‍ത്തകര്‍ കറുത്ത പ്ലാസ്റ്റിക് കവറിലും, തുണികളിലുമായി തീരത്ത് നിന്ന് മനുഷ്യ ശരീരങ്ങളും ശരീരഭാഗങ്ങളും പുഴയുടെ തീരത്ത് നിന്നും പുറത്തെത്തിക്കുന്നു

 

നിലമ്പൂര്‍ ജില്ലാ ആശുപത്രിയില്‍ നിന്ന് വയനാട്ടിലേക്ക് കൊണ്ട് പോവാനായി തയ്യാറാക്കിയ ശരീരാര ഭാഗം കയ്യില്‍ പിടിച്ച് എസ്.കെ.എസ്.എസ്.എഫ് വിഖായ പ്രവര്‍ത്തകന്‍

 

നിലമ്പൂര്‍ ജില്ലാ ആശുപത്രിയില്‍ നിന്ന് വയനാട്ടിലേക്ക് മൃതദേഹങ്ങളും ശരീരഭാഗങ്ങളുമായി പുറപ്പെടുന്ന ആംബുലന്‍സുകൾ

 

പി.പി അഫ്താബ്, ഫോട്ടോഗ്രാഫർ