കൊച്ചി: വിവാഹ വാഗ്ദാനം നൽകി പീഡിപ്പിച്ചെന്ന പരാതിയിൽ റാപ്പർ വേടനെതിരെ കേസ്.  യുവ ഡോക്ടറുടെ പരാതിയിലാണ് കൊച്ചി തൃക്കാക്കര പൊലിസ് വേടനെതിരെ കേസ് എടുത്തത്. 2021 ഓഗസ്റ്റ് മുതൽ 2023  മാർച്ച് വരെ ഇവരെ വിവിധ സ്ഥലങ്ങളിൽ വെച്ച് പീഡിപ്പിച്ചുന്നാണ് പരാതി.

സംഭവത്തിൽ  പോലിസ് അന്വേഷണം ആരംഭിച്ചിട്ടുണ്ട്.  ഇൻസ്റ്റാഗ്രാമിലൂടെയാണ് വേടൻ യുവ ഡോക്ടറെ പരിചയപ്പെട്ടത്. ഇതിന് പിന്നാലെ കോഴിക്കോടുള്ള ഡോക്ടറുടെ വീട്ടിലെത്തി ബലാൽസംഗം ചെയ്തു എന്നാണ്  പരാതി.  തുടർന്ന് ഇവരെ വിവാഹം കഴിക്കാൻ വാഗ്ദാനം നൽകി വിവിധ തലങ്ങളിൽ വെച്ച് പീഡിപ്പിച്ചുവെന്നും പരാതിയിൽ പറയുന്നുണ്ട്. 2023 അവസാനമായപ്പോൾ വേടൻ ചില കാര്യങ്ങൾ പറഞ്ഞു കൊണ്ട് തന്നെ ബോധപൂർവ്വം ഒഴിവാക്കിയെന്നും യുവ ഡോക്ടർ പറഞ്ഞു.  ഇതിനു ശേഷം താൻ  വിഷാദ അവസ്ഥയിലായെന്നും ചികിത്സ തേടിയതായും ഡോക്ടറുടെ മൊഴിയിലുണ്ട്.