കേരളയിൽ വിദൂരവിദ്യാഭ്യാസം: അഡ്മിഷൻ ആരംഭിച്ചു

തിരുവനന്തപുരം: കേരളസർവകലാശാല വിദൂരവിദ്യാഭ്യാസ വിഭാഗത്തിൽ 2025-26 അധ്യയന വർഷം നാല് ബിരുദ ബിരുദാനന്തര പ്രോഗ്രാമുകൾക്കുള്ള അഡ്മിഷൻ ആരംഭിച്ചു. ലൈബ്രറി സയൻസ് ബിരുദ പ്രോഗ്രാമിനും ലൈബ്രറി സയൻസ്, മാത്തമാറ്റിക്‌സ്, കംപ്യൂട്ടർ സയൻസ് എന്നീ ബിരുദാനന്തര ബിരുദപ്രോഗ്രാമുകൾക്കുമാണ് അഡ്മിഷൻ നടത്തുന്നത്.

ഓൺലൈനായി അപേക്ഷ സമർപ്പിക്കാം. വെബ്‌സൈറ്റ് : www.ideku.net . അപേക്ഷയുടെ ശരിപ്പകർപ്പും അസ്സൽ സർട്ടിഫിക്കറ്റുകളും കാര്യവട്ടത്തെ വിദൂരവിദ്യാഭ്യാസ വിഭാഗത്തിൽ നേരിട്ടോ തപാൽ മാർഗമോ എത്തിക്കണം.

പ്രൊവിഷനൽ അലോട്ട്‌മെന്റ് - സാങ്കേതിക യൂണിവേഴ്‌സിറ്റി

എപിജെ അബ്ദുൽ കലാം സാങ്കേതിക സർവകലാശാലയുടെ കീഴിലുള്ള കോളജുകളിൽ ബിസിഎ/ ബിബിഎ കോഴ്‌സുകളിലേക്ക് അപേക്ഷ സമർപ്പിച്ചവരുടെ ഒന്നാം ഘട്ട പ്രൊവിഷണൽ അലോട്ട്‌മെന്റ് www.lbscentre.kerala.gov.in വെബ്‌സൈറ്റിൽ പ്രസിദ്ധീകരിച്ചു. അലോട്ട്‌മെന്റ് ലഭിച്ചവർക്ക് ഓൺലൈനായി ആഗസ്റ്റ് 03 വരെ ഫീസടച്ച് രണ്ടാം ഘട്ട അലോട്ട്‌മെന്റിലേക്കുള്ള ഓപ്ഷൻ പുനർക്രമീകരണം നടത്താം. 

ALSO READ: മലബാര്‍ കാന്‍സര്‍ സെന്ററില്‍ അവസരം; എക്‌സ്പീരിയന്‍സ് ഉള്ളവര്‍ക്കും, ഇല്ലാത്തവര്‍ക്കും അപേക്ഷിക്കാം 

അലോട്ട്‌മെന്റ് ലഭിച്ച് ടോക്കൺ ഫീസ് അടച്ചവർ അവരുടെ ഓപ്ഷനുകൾ തുടർന്നുള്ള അലോട്ട്‌മെന്റുകൾക്ക് പരിഗണിക്കപ്പെടേണ്ടതില്ലെങ്കിൽ അവ ഓപ്ഷൻ ലിസ്റ്റിൽ നിന്ന് നീക്കം ചെയ്യണം. ടോക്കൺ ഫീസ് അടയ്ക്കാത്തവർക്ക് അലോട്ട്‌മെന്റ് നഷ്ടപ്പെടും. കൂടുതൽ വിവരങ്ങൾക്ക്: 0471 232 4396 ൽ വിളിക്കാം.

ട്രയൽ അലോട്ട്‌മെന്റ് പ്രസിദ്ധീകരിച്ചു

തിരുവനന്തപുരം സർക്കാർ മെഡിക്കൽ കോളജിലും സ്വാശ്രയ കോളേജായ കോഴിക്കോട് മിംസ് കോളജ് ഓഫ് അലൈഡ് ഹെൽത്ത് സയൻസിലും നടത്തുന്ന എംഎസ് സി (എംഎൽറ്റി) കോഴ്‌സിന് അപേക്ഷിച്ചവരുടെ പ്രവേശനത്തിനുള്ള അപേക്ഷകർ സമർപ്പിച്ച ഓപ്ഷനുകൾ പരിഗണിച്ചുള്ള ട്രയൽ അലോട്ട്‌മെന്റ് www.lbscentre.kerala.gov.in  ൽ പ്രസിദ്ധീകരിച്ചു. 

ഒന്നാംഘട്ട അലോട്ട്‌മെന്റിലേക്കുള്ള ഓപ്ഷൻ രജിസ്‌ട്രേഷൻ/ പുനക്രമീകരണം ഇന്ന് വൈകീട്ട് അഞ്ചുമണിവരെ നടത്താം. കൂടുതൽ വിവരങ്ങൾക്ക് 0471 2560361.

കൂടുതല്‍ JOB വാര്‍ത്തകള്‍ക്ക് ഗ്രൂപ്പില്‍ ജോയിന്‍ ചെയ്യുക

The University of Kerala's Distance Education Department has started admissions for the academic year 2025–26. Admissions are open for four programs: