സഊദി അറേബ്യ തിങ്കളാഴ്ച രണ്ട് പേരുടെ വധശിക്ഷ നടപ്പാക്കിയതായി ഔദ്യോഗിക വൃത്തങ്ങൾ റിപ്പോർട്ട് ചെയ്തു. ഇതോടെ, മൂന്ന് ദിവസത്തിനുള്ളിൽ 17 പേരുടെ വധശിക്ഷയാണ് രാജ്യം നടപ്പാക്കിയത്. 

ALSO READ: തിരക്കേറിയ റോഡുകളിൽ ഇ-സ്കൂട്ടർ യാത്രക്കാരുടെ അപകടകരമായ ഡ്രൈവിങ്ങ്; മുന്നറിയിപ്പുമായി അബൂദബി പൊലിസ്

"തീവ്രവാദ കുറ്റങ്ങൾ" ആരോപിച്ച് രണ്ട് സഊദി പൗരന്മാരെയാണ് തിങ്കളാഴ്ച വധശിക്ഷക്ക് വിധേയരാക്കിയത്. ശനി-ഞായർ ദിവസങ്ങളിൽ മയക്കുമരുന്നുമായി ബന്ധപ്പെട്ട കുറ്റകൃത്യങ്ങൾക്ക് 15 പേർ ശിക്ഷിക്കപ്പെട്ടിരുന്നു. ഇതിൽ കൂടുതലും വിദേശികളായിരുന്നു.

2022 മാർച്ചിൽ ഒരൊറ്റ ദിവസം 81 പേർ തീവ്രവാദവുമായി ബന്ധപ്പെട്ട കുറ്റങ്ങൾക്ക് വധിക്കപ്പെട്ടതിന് ശേഷമുള്ള ഏറ്റവും വേഗതയേറിയ വധശിക്ഷാ നടപടിയാണിത്. ശനി-ഞായർ ദിവസങ്ങളിൽ വധിക്കപ്പെട്ടവരിൽ 13 പേർ ഹാഷിഷ് കടത്തിയതിനും ഒരാൾ കൊക്കെയ്ൻ കടത്തിയതിനും ശിക്ഷിക്കപ്പെട്ടവരാണ്. 

ലോകത്ത് ഏറ്റവും കൂടുതൽ വധശിക്ഷകൾ നടപ്പാക്കുന്ന രാജ്യങ്ങളിലൊന്നാണ് സഊദി അറേബ്യ. ഈ വർഷം ഇതുവരെ 239 വധശിക്ഷകൾ സഊദി നടപ്പാക്കിയിട്ടുണ്ട്. കഴിഞ്ഞ വർഷം 338 വധശിക്ഷകളാണ് രാജ്യം നടപ്പാക്കിയത്. 

ALSO READ: വാങ്ങുന്നയാൾ കരാർ ലംഘിച്ചു; 2.38 മില്യൺ ദിർഹം റിയൽ എസ്റ്റേറ്റ് ഇടപാട് റദ്ദാക്കി ദുബൈ കോടതി; വിൽപ്പനക്കാരന് 250,000 ദിർഹം നഷ്ടപരിഹാരം

എഎഫ്‌പിയുടെ ഔദ്യോഗിക കണക്കുകൾ പ്രകാരം ഈ വർഷം 161 പേർ മയക്കുമരുന്നുമായി ബന്ധപ്പെട്ട കുറ്റകൃത്യങ്ങൾക്ക് വധശിക്ഷക്ക് വിധേയരായി. ഇതിൽ 136 പേർ വിദേശികളാണ്.

Saudi Arabia has executed 17 people in just three days, drawing widespread criticism from human rights groups. Two individuals were put to death on Monday for "terrorist crimes," bringing the total number of executions to 17 over the past weekend and Monday. Most of those executed were foreign nationals convicted of drug smuggling, including 13 for hashish smuggling and one for cocaine trafficking ¹.