മുംബൈ: മഹാരാഷ്ട്രയിലെ ബി.ജെ.പി മുന്‍ വക്താവ് ആരതി സാഠേയെ ബോംബെ ഹൈക്കോടതി ജഡ്ജിയായി നിയമിച്ചു. അജിത് ഭഗ്വന്ത് റാവു കഡേഹങ്കര്‍, സുശീല്‍ മനോഹര്‍ ഘോഡേശ്വര്‍ എന്നിവര്‍ക്കൊപ്പമാണ് ആരതി സാഠേയും ബോംബെ ഹൈക്കോടതി ജഡ്ജിയായി നിയമിച്ചത്. സുപ്രിംകോടതി കൊളീജിയം ജൂലൈ 28ന് ചേര്‍ന്ന യോഗമാണ് നിയമനത്തിന് അംഗീകാരം നല്‍കിയത്. 

അടുത്തിടെ വരെ ആരതി സംഘ്പരിവാരിന്റെ ഔദ്യോഗിക വക്താവായിരുന്നുവെന്ന വിവരം പുറത്തുവന്നതോടെ സംഭവം മഹാരാഷ്ട്രയില്‍ രാഷ്ട്രീയ കൊടുങ്കാറ്റിന് കാരണമായി. ആരതിയെ ബിജെപി വക്താവായി നിയമിച്ചതിന്റെ കത്തിന്റെ സ്‌ക്രീന്‍ഷോട്ട് എംഎല്‍എയും നാഷണലിസ്റ്റ് കോണ്‍ഗ്രസ് പാര്‍ട്ടി (ശരദ് പവാര്‍ വിഭാഗം) ജനറല്‍ സെക്രട്ടറിയുമായ രോഹിത് പവാര്‍ സോഷ്യല്‍ മീഡിയയില്‍ പോസ്റ്റ് ചെയ്തു.

सार्वजनिक व्यासपीठावरून सत्ताधारी पक्षाची बाजू मांडणाऱ्या व्यक्तीची न्यायाधीश म्हणून नेमणूक होणं म्हणजे लोकशाहीवर केलेला सर्वांत मोठा आघात आहे. याचा भारतीय न्याय व्यवस्थेच्या निःपक्षपणावर दूरगामी परिणाम होईल. केवळ न्यायाधीश होण्याची पात्रता आहे म्हणून थेट राजकीय व्यक्तींना… pic.twitter.com/d3w2rIHNK2

— Rohit Pawar (@RRPSpeaks) August 5, 2025

ഭരണകക്ഷിക്ക് വേണ്ടി പരസ്യമായി സംസാരിക്കുന്ന ഒരാളെ ജഡ്ജിയായി നിയമിക്കുന്നത് ജനാധിപത്യത്തിന് നേരിട്ടുള്ള പ്രഹരമാണെന്നും പവാര്‍ പറഞ്ഞു. ഇത് ജുഡീഷ്യറിയിലെ നിഷ്പക്ഷതയെക്കുറിച്ചുള്ള ധാരണയെ സാരമായി ബാധിക്കും. ഇത്തരം നിയമനങ്ങള്‍ രാഷ്ട്രീയവും ജുഡീഷ്യറിയും തമ്മിലുള്ള അതിര്‍വരമ്പിനെ മങ്ങിക്കുന്നുണ്ടോ എന്ന് അദ്ദേഹം ചോദിച്ചു. നിയമപരമായ യോഗ്യതകള്‍ ഉണ്ടായാല്‍ മാത്രം പോരാ. രാഷ്ട്രീയ ബന്ധമുള്ളവരെ ജഡ്ജിമാരാക്കുകയാണെങ്കില്‍, അത് ജുഡീഷ്യറിയെ ഒരു രാഷ്ട്രീയ മേഖലയാക്കി മാറ്റുകയല്ലേ? അത്തരം നിയമനങ്ങള്‍ ജുഡീഷ്യല്‍ സ്വാതന്ത്ര്യത്തെയും പൊതുജനവിശ്വാസത്തെയും ദുര്‍ബലപ്പെടുത്തുന്നുവെന്നും അദ്ദേഹം അഭിപ്രായപ്പെട്ടു.

അതേസമയം, ആരതി നേരത്തെ പാര്‍ട്ടി വക്താവായിരുന്നുവെന്ന് സ്ഥിരീകരിച്ച മഹാരാഷ്ട്ര ബി.ജെ.പി, ജുഡീഷ്യല്‍ നിയമനത്തിന് മുമ്പ് അവര്‍ തസ്തികയില്‍ നിന്ന് രാജിവച്ചതായും അറിയിച്ചു.

The recent appointment of Advocate Arati Arun Sathe as a judge of the Bombay High Court has triggered a political storm in Maharashtra, after it emerged that she was until recently the official spokesperson of the Maharashtra BJP.