കൊച്ചി:  കൊച്ചി രാജ്യാന്തര വിമാനത്താവളം (സിയാല്‍) പൊതുസ്ഥാപനമാണെന്നും, വിവരവാകശത്തിന്റെ പരിധിയില്‍ ഉള്‍പ്പെടുമെന്നും ഹൈക്കോടതി. പൊതുസ്ഥാപനമല്ലെന്ന് ചൂണ്ടിക്കാട്ടി സിയാല്‍ മാനേജ്‌മെന്റ് നല്‍കിയ ഹരജി ഡിവിഷന്‍ ബെഞ്ച് തള്ളി. വിവരാവകാശ നിയമത്തിന് കീഴിലെ പബ്ലിക് അതോറിറ്റിയില്‍ സിയാല്‍ ഉള്‍പ്പെടുമെന്നും കോടതി വ്യക്തമാക്കി. 

നേരത്തെ സിംഗിള്‍ ബെഞ്ച് സിയാല്‍ പൊതുസ്ഥാപനമാണെന്ന് ഉത്തരവിട്ടിരുന്നു. ഇതിനെതിരെ സിയാല്‍ എംഡി നല്‍കിയ റിട്ട് ഹരജിയാണ് ഡിവിഷന്‍ ബെഞ്ച് തള്ളിയത്. അടിയന്തരമായി പബ്ലിക് ഇന്‍ഫര്‍മേഷന്‍ ഓഫീസറെ നിയമിക്കാനും കോടതി നിര്‍ദേശം നല്‍കി. 

സിയാല്‍ ചെയര്‍മാനായ മുഖ്യമന്ത്രിയോ, സിയാല്‍ ജനറല്‍ ബോഡിയോ അറിയാതെയാണ് എംഡി ഹരജി നല്‍കിയതെന്ന് ബെഞ്ച് നിരീക്ഷിച്ചു. ഇത് അംഗീകരിക്കാനാവില്ലെന്നും, സമാന നടപടികള്‍ ഉണ്ടാകാതിരിക്കാന്‍ ചീഫ് സെക്രട്ടറി ഇടപെടണമെന്നും ഡിവിഷന്‍ ബെഞ്ച് നിര്‍ദേശം നല്‍കി. ഡയറക്ടര്‍ ബോര്‍ഡിന്റെ അനുമതിയില്ലാതെ ഹരജി നല്‍കിയതിന് സിയാല്‍ ഒരു ലക്ഷം രൂപ പിഴയൊടുക്കാനും കോടതി ഉത്തരവിട്ടു. 

ALSO READ: പാലായിൽ കാർ ഇടിച്ച് യുവതികൾ മരിച്ച അപകടം; അമിത വേഗതയാണ് കാരണമെന്ന് സ്ഥിരീകരിച്ച് പൊലിസ്