തിരുവനന്തപുരം: സംസ്ഥാനത്ത് ഇന്നും നാളെയും അതിതീവ്ര മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. മധ്യ കേരളത്തിലും മലയോര മേഖലകളിലും അതിശക്തമായ മഴ പെയ്യുമെന്നാണ് പ്രവചനം. 14 ജില്ലകളിലും മഴ മുന്നറിയിപ്പ് നൽകിയിട്ടുണ്ട്. എറണാകുളം, ഇടുക്കി, തൃശ്ശൂർ, മലപ്പുറം ജില്ലകളിൽ റെഡ് അലർട്ട് പ്രഖ്യാപിച്ചു. കാസർഗോഡ്, കണ്ണൂർ, കോഴിക്കോട്, വയനാട്, പാലക്കാട്, കോട്ടയം, ആലപ്പുഴ, പത്തനംതിട്ട ജില്ലകളിൽ ഓറഞ്ച് അലർട്ടും തിരുവനന്തപുരം, കൊല്ലം ജില്ലകളിൽ യെല്ലോ അലർട്ടും നിലവിലുണ്ട്. നാളെ കണ്ണൂർ, കാസർഗോഡ് ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്.

മഴയ്‌ക്കൊപ്പം ശക്തമായ കാറ്റിനും ചില പ്രദേശങ്ങളിൽ ഇടിമിന്നലിനും സാധ്യതയുണ്ട്. പൊതുജനങ്ങൾ ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി നിർദേശിച്ചു. കേരള, കർണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്കേർപ്പെടുത്തിയിട്ടുണ്ട്. കള്ളക്കടൽ പ്രതിഭാസത്തിന്റെ ഭാഗമായി തിരുവനന്തപുരം, കൊല്ലം ജില്ലകളിലെ തീരങ്ങളിൽ ഉയർന്ന തിരമാലകൾക്കും കടലേറ്റത്തിനും സാധ്യതയുണ്ട്. മത്സ്യത്തൊഴിലാളികളും തീരദേശവാസികളും പ്രത്യേകം ജാഗ്രത പാലിക്കണം.

ALSO READ: ശക്തമായ മഴ: റെഡ് അലർട്ട്; കാസർകോട്, കണ്ണൂർ, തൃശൂർ ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

തൃശ്ശൂരിൽ ശക്തമായ മഴ; വീടുകളിൽ വെള്ളം കയറി

തൃശ്ശൂരിൽ ശക്തമായ തോരാമഴയെ തുടർന്ന് നഗര-ഗ്രാമ മേഖലകളിലെ നിരവധി വീടുകളിൽ വെള്ളം കയറി. ആളുകളെ സുരക്ഷിത സ്ഥലങ്ങളിലേക്ക് മാറ്റിപ്പാർപ്പിച്ചു. ചേലക്കര ആറ്റൂർ പ്രദേശത്ത് മലവെള്ളപ്പാച്ചിലിനെ തുടർന്ന് ഗതാഗതം തടസ്സപ്പെട്ടു. അസുരൻകുണ്ട് മലനിരകളിൽ നിന്നുണ്ടായ മലവെള്ളപ്പാച്ചിലാണ് ഗതാഗത തടസ്സത്തിന് കാരണം. രാവിലെ ഏഴ് മണി മുതൽ മണിക്കൂറുകൾ നീണ്ട മഴ തൃശ്ശൂരിൽ തീരാദുരിതം സൃഷ്ടിച്ചിരിക്കുകയാണ്. അശ്വിനി ആശുപത്രിക്ക് സമീപം നിരവധി വീടുകളിൽ വെള്ളം കയറിയതിനെ തുടർന്ന് പൊലിസ് എത്തി ജനങ്ങളെ മാറ്റിപ്പാർപ്പിച്ചു.

ALSO READ: ഉത്തരാഖണ്ഡിലെ മേഘവിസ്ഫോടനത്തിൽ നാല് മരണം; ധരാലിയിൽ മിന്നൽ പ്രളയവും മണ്ണിടിച്ചിലും; രക്ഷാപ്രവർത്തനം തുടരുന്നു

എറണാകുളത്ത് വെള്ളപ്പൊക്കം; കാർ തോട്ടിൽ വീണു

എറണാകുളം ജില്ലയിൽ രാത്രി മുതൽ പെയ്ത ശക്തമായ മഴയിൽ ഒട്ടുമിക്ക പ്രദേശങ്ങളിലും വെള്ളപ്പൊക്കം രൂപപ്പെട്ടു. 
പേട്ട-താമരശ്ശേരി റോഡിലാണ് ഗൂഗിൾ മാപ്പ് ഉപയോഗിച്ച് വന്ന ഓൺലൈൻ ടാക്സി തോട്ടിൽ വീണത്. തോടും കരയും തിരിച്ചറിയാൻ കഴിയാത്തവിധം വെള്ളം കയറിയതാണ് അപകടത്തിന് കാരണം. നാട്ടുകാരുടെ മണിക്കൂറുകൾ നീണ്ട ശ്രമത്തിനൊടുവിലാണ് കാർ കരയ്‌ക്കെത്തിച്ചത്. കൃത്യമായ സൈൻ ബോർഡുകളോ സുരക്ഷാ സംവിധാനങ്ങളോ ഇല്ലാത്തതാണ് അപകടത്തിന് കാരണമെന്ന് നാട്ടുകാർ ആരോപിച്ചു.

ALSO READ: സംസ്ഥാനത്ത് നിർമാണ അഴിമതിയും സിപിഎം പ്രതിച്ഛായയും: കെ കെ ശൈലജയുടെ ഇടപെടലിനെതിരെയും വി.ഡി സതീശന്റെ രൂക്ഷ വിമർശനം

പാലക്കാട്ടും ഇടുക്കിയിലും മഴക്കെടുതി

പാലക്കാട് ശക്തമായ മഴയിൽ അട്ടപ്പാടി ചുരത്തിൽ മുക്കാലി, മന്ദംപൊട്ടി മേഖലകളിൽ മഴവെള്ളത്തോടൊപ്പം കല്ലും മണ്ണും റോഡിലേക്ക് ഒഴുകിയെത്തി, ഗതാഗതം തടസ്സപ്പെട്ടു. കുന്തിപ്പുഴ, നെല്ലിപ്പുഴ തുടങ്ങിയ പുഴകളിൽ ജലനിരപ്പ് ഉയർന്നു. അലനല്ലൂർ, എടത്തനാട്ടുകര ക്രോസ് വേയിലും വെള്ളം കയറി. ഇടുക്കി ജില്ലയിൽ ജല, സാഹസിക വിനോദങ്ങൾക്കും ഓഫ്-റോഡ് ട്രക്കിങ്ങിനും നിയന്ത്രണം ഏർപ്പെടുത്തി.

മുതലപ്പൊഴിയിൽ വീണ്ടും വള്ളം മറിഞ്ഞു

തിരുവനന്തപുരം മുതലപ്പൊഴിയിൽ ഇന്ന് വീണ്ടും മത്സ്യബന്ധന വള്ളം മറിഞ്ഞു. വെട്ടുതുറ സ്വദേശി നിതിന്റെ ഉടമസ്ഥതയിലുള്ള 'നിത്യസഹായ മാതാ' എന്ന വള്ളമാണ് രാവിലെ 6 മണിയോടെ അപകടത്തിൽപ്പെട്ടത്. ചിറയിൻകീഴ് സ്വദേശി അഭിലാഷ്, വെട്ടൂർ സ്വദേശി കിരൺ എന്നിവരെ രക്ഷപ്പെടുത്തി ആശുപത്രിയിൽ പ്രവേശിപ്പിച്ചു. ഇവരുടെ പരുക്ക് ഗുരുതരമല്ല. മുതലപ്പൊഴിയിൽ ഇന്നലെയും ബോട്ട് മറിഞ്ഞ് അപകടം ഉണ്ടായിരുന്നു.

ALSO READ: ഇന്ത്യൻ കടൽ കടന്ന ഫൈവ് ഡോർ ജിംനിയുടെ ഡെലിവറി നിർത്തിവച്ചു

Kerala is grappling with heavy rainfall, with warnings issued across all districts. Red alerts are in place for Ernakulam, Idukki, Thrissur, and Malappuram, while other districts face orange and yellow alerts. Flooding has inundated homes in Thrissur and Ernakulam, disrupting traffic and daily life. A car trapped in floodwater in Ernakulam was rescued by locals. Coastal areas brace for high waves, and fishing is banned along Kerala, Karnataka, and Lakshadweep coasts