ന്യൂഡൽഹി: ജാർഖണ്ഡ് മുൻ മുഖ്യമന്ത്രിയും ജാർഖണ്ഡ് മുക്തി മോർച്ചയുടെ സ്ഥാപക നേതാവുമായ ഷിബു സോറൻ (81) അന്തരിച്ചു. ഡൽഹിയിലെ സർ ഗംഗാ റാം ആശുപത്രിയിൽ ഒരു മാസത്തിലേറെയായി ചികിത്സയിലായിരുന്നു. ഇന്ന് രാവിലെ 8.56-നാണ് മരണത്തിന് കീഴടങ്ങിയത്. വൃക്ക സംബന്ധമായ അസുഖത്തെ തുടർന്ന് ഗുരുതരാവസ്ഥയിലായിരുന്ന അദ്ദേഹം വെന്റിലേറ്ററിന്റെ സഹായത്തോടെയാണ് ചികിത്സയിൽ കഴിഞ്ഞിരുന്നത്. ഒന്നര മാസം മുമ്പ് ഹൃദയാഘാതവും സംഭവിച്ചിരുന്നതായി ആശുപത്രി അധികൃതർ പുറത്തിറക്കിയ മെഡിക്കൽ ബുള്ളറ്റിനിൽ പറയുന്നു.

നാല് പതിറ്റാണ്ട് നീണ്ട രാഷ്ട്രീയ ജീവിതത്തിൽ എട്ട് തവണ ലോക്സഭാംഗവും രണ്ട് തവണ രാജ്യസഭാംഗവുമായി സേവനമനുഷ്ഠിച്ച ഷിബു സോറൻ, ജാർഖണ്ഡിന്റെ മുഖ്യമന്ത്രിയായും കേന്ദ്രമന്ത്രിയായും പ്രവർത്തിച്ചിട്ടുണ്ട്. അദ്ദേഹത്തിന്റെ മകനും നിലവിലെ ജാർഖണ്ഡ് മുഖ്യമന്ത്രിയുമായ ഹേമന്ത് സോറനാണ് പിതാവിന്റെ വിയോഗവാർത്ത എക്‌സ് പ്ലാറ്റ്‌ഫോമിലൂടെ പങ്കുവെച്ചത്.

ദീർഘകാല അസുഖത്തെ തുടർന്നാണ് ഷിബു സോറൻ മരണപ്പെട്ടത്. കഴിഞ്ഞ ഒരു മാസമായി അദ്ദേഹം ജീവൻ രക്ഷാ സംവിധാനങ്ങളുടെ സഹായത്തോടെ ചികിത്സയിലായിരുന്നു," ആശുപത്രി അധികൃതരും വ്യക്തമാക്കി. ജാർഖണ്ഡിന്റെ രാഷ്ട്രീയ-സാമൂഹിക രംഗത്ത് നിർണായക സ്വാധീനം ചെലുത്തിയ നേതാവായിരുന്ന ഷിബു സോറന്റെ വിയോഗം സംസ്ഥാനത്തിന് വലിയ നഷ്ടമാണെന്ന് നേതാക്കൾ അനുശോചന സന്ദേശങ്ങളിൽ പറഞ്ഞു.

Shibu Soren, former Jharkhand Chief Minister and Jharkhand Mukti Morcha founder, passed away at 81 in Delhi's Sir Ganga Ram Hospital. He was under treatment for kidney issues and suffered a heart attack earlier. His son, current Chief Minister Hemant Soren, confirmed the news on X