കൊച്ചി: പെരിയാറിനു കുറുകെയുള്ള റെയില്‍വേ മേല്‍പ്പാലത്തില്‍ അറ്റകുറ്റപ്പണി നടക്കുന്നതു കൊണ്ട് അടുത്ത ഞായറാഴ്ച വരെ ട്രെയിന്‍ സര്‍വീസുകളില്‍ പുനഃക്രമീകരണങ്ങളുണ്ടാകുന്നതാണ്. ആറ് ട്രെയിനുകള്‍ വൈകിയോടുകയും ചെയ്യും. ഗോരഖ്പുര്‍ -തിരുവനന്തപുരം, കണ്ണൂര്‍- ആലപ്പുഴ എക്‌സിക്യൂട്ടീവ്, മംഗളൂരു -തിരുവനന്തപുരം വന്ദേഭാരത്, സെക്കന്തരാബാദ് -തിരുവനന്തപുരം ശബരി എക്‌സ്പ്രസ്, ജാംനഗര്‍ -തിരുനെല്‍വേലി, തിരുവനന്തപുരം- മംഗളൂരു വന്ദേഭാരത് ട്രെയിനുകളാണ് വൈകിയോടുന്നത്.

എറണാകുളം -പാലക്കാട്, പാലക്കാട് -എറണാകുളം മെമു സര്‍വീസുകള്‍ ഇന്നും റദ്ദാക്കിയിരിക്കുകയാണ്. ബുധന്‍,ശനി, ഞായര്‍ ദിവസങ്ങളിലും മെമു സര്‍വീസ് റദ്ദാക്കിയിട്ടുണ്ട്. വരും ദിവസങ്ങളിലും ചില ട്രെയിനുകള്‍ വൈകി ഓടുമെന്നും റെയില്‍വേ വ്യക്തമാക്കി. അറ്റകുറ്റപ്പണികള്‍ ഞായറാഴ്ച വരെ തുടരുന്നതാണ്.