ദുബൈ/കെയ്‌റോ: ജറൂസലേം: ഗസ്സയില്‍ ആക്രമണം തുടരുന്നതിനൊപ്പം വുശുദ്ധമാക്കപ്പെട്ട മസ്ജിദുല്‍ അഖ്‌സ വളപ്പില്‍ പ്രവേശിച്ച് തീവ്ര ജൂത നിലപാടുകാരനായ ഇസ്‌റാഈല്‍ മന്ത്രി ബെന്‍ ഗ്വിര്‍ നടത്തിയ പ്രകോപനത്തെ അപലപിച്ച് അറബ് പാര്‍ലമെന്റ്. ഇത്തരം പ്രവര്‍ത്തനങ്ങള്‍ അന്താരാഷ്ട്ര സമാധാനത്തിനും സുരക്ഷയ്ക്കും ഭീഷണിയാണെന്നും ഗസ്സയില്‍ നടന്നുകൊണ്ടിരിക്കുന്ന വംശഹത്യയുടെയും വെസ്റ്റ് ബാങ്കിലെ പിടിച്ചെടുക്കല്‍, കുടിയിറക്കല്‍ നയത്തിന്റെയും തുടര്‍ച്ചയാണെന്നും അറബ് പാര്‍ലമെന്റ് ഊന്നിപ്പറഞ്ഞു.

ഇസ്‌റാഈല്‍ സര്‍ക്കാരിനെ ഉത്തരവാദികളാക്കി, അത്തരം ലംഘനങ്ങള്‍ അവസാനിപ്പിക്കാനും ഫലസ്തീന്‍ ജനതയ്ക്കും അവരുടെ പുണ്യ സ്ഥലങ്ങള്‍ക്കും അന്താരാഷ്ട്ര സംരക്ഷണം നല്‍കാനും രാജ്യാന്തര സമൂഹത്തോട് പാര്‍ലമെന്റ് ആഹ്വാനം ചെയ്തു. കിഴക്കന്‍ ജറുസലം തലസ്ഥാനമായി ഒരു സ്വതന്ത്ര രാഷ്ട്രം സ്ഥാപിക്കാനുള്ള ഫലസ്തീന്‍ ജനതയുടെ ആവശ്യത്തെ അറബ് പാര്‍ലമെന്റ് പിന്തുണച്ചു.

ഇസ്‌റാഈല്‍ മന്ത്രിയോടൊപ്പം 2000ത്തിലധികം ജൂതരും പള്ളിവളപ്പില്‍ ഞായറാഴ്ച രാവിലെയാണ് അതിക്രമം കാട്ടിയത്. ജൂതര്‍ക്ക് സന്ദര്‍ശന സമയത്ത് പ്രവേശിക്കാമെങ്കിലും അല്‍ അഖ്‌സയില്‍ പ്രാര്‍ഥിക്കാന്‍ അനുമതിയില്ല. എന്നാല്‍ അല്‍ അഖ്‌സ വളപ്പില്‍ ഇസ്‌റാഈല്‍ മന്ത്രിയും കൂടെയുള്ളവരും അവിടെ സന്ദര്‍ശിച്ച് ജൂത പ്രാര്‍ഥന നടത്തിയെന്നാണ് റിപ്പോര്‍ട്ടുകള്‍.

ജൂതരെ തടയാന്‍ ശ്രമിച്ചതുമായി ബന്ധപ്പെട്ട് മൂന്ന് അല്‍ അഖ്‌സ ഗാര്‍ഡുകളെ ഇസ്‌റാഈല്‍ പൊലിസ്അറസ്റ്റ് ചെയ്തു. ബെന്‍ ഗ്വിറിന്റെ സന്ദര്‍ശനത്തിനു പിന്നാലെയായിരുന്നു അറസ്റ്റെന്ന് ഇസ്‌ലാമിക് മതകാര്യ മന്ത്രാലയം പറഞ്ഞു. മുഹമ്മദ് ടീന, മുഹമ്മദ് ബദ്‌റാന്‍, അഹമ്മദ് അബു അലിയ എന്നിവരെയാണ് അറസ്റ്റ് ചെയ്തത്. ഇസ്‌റാഈല്‍ പ്രതിരോധമന്ത്രി ഇസ്‌റായേല്‍ കട്‌സ് ബെന്‍ ഗ്വിറിന്റെ സന്ദര്‍ശനത്തെ ന്യായീകരിക്കുകയാണ് ചെയ്തത്. 

ALSO READ: കുവൈത്ത് ഫാമിലി വിസിറ്റ് വിസകള്‍ ഒരു വര്‍ഷംവരെ നീട്ടി; വിസാ നടപടികളില്‍ വന്‍ മാറ്റങ്ങള്‍ | Kuwait Visa

The Arab Parliament has condemned the storming of Al-Aqsa Mosque by groups of settlers, accompanied by Israeli ministers led by National Security Minister Itamar Ben-Gvir, who performed provocative rituals under the protection of Israeli forces