2018ൽ ഒരു പ്രസം​ഗത്തിൽ കേന്ദ്ര ആഭ്യന്തര മന്ത്രി അമിത് ഷായ്ക്കെതിരെ "അപകീർത്തികരമായ പരാമർശങ്ങൾ" നടത്തിയെന്ന കേസിൽ രാഹുൽ ​ഗാന്ധിക്ക് ജാമ്യം. ജാർഖണ്ഡിലെ ചൈബാസയിലെ ജനപ്രതിനിധികളുടെ കോടതിയാണ് രാഹുൽ ഗാന്ധിക്ക് ജാമ്യം അനുവദിച്ചത്. 

2018-ൽ ചൈബാസയിൽ നടന്ന റാലിയിൽ അമിത് ഷായ്ക്കെതിരെ അപകീർത്തികരമായ പരാമർശങ്ങൾ നടത്തിയെന്ന് ആരോപിച്ച് പ്രതാപ് കുമാർ എന്നായാളാണ് രാഹുൽ ഗാന്ധിക്കെതിരെ അപകീർത്തി കേസ് ഫയൽ ചെയ്തത്.

ALSO READ: ചേട്ടാ എന്ന് വിളിച്ചില്ല; കോട്ടയത്ത് പ്ലസ് വൺ വിദ്യാർഥിക്ക് സീനിയർ വിദ്യാർഥികളുടെ ക്രൂര മർദനം

"ജാർഖണ്ഡ് ഹൈക്കോടതിയുടെ നിർദേശപ്രകാരം രാഹുൽ ഗാന്ധി കോടതിയിൽ ഹാജരായി. അദ്ദേഹം ജാമ്യത്തിന് അപേക്ഷിച്ചിരുന്നു, അത് അനുവദിക്കപ്പെട്ടു. ഇനി ഞങ്ങൾ നിയമനടപടികൾ മുന്നോട്ട് കൊണ്ടുപോകും," രാഹുൽ ഗാന്ധിയുടെ അഭിഭാഷകൻ പറഞ്ഞു.

ജൂൺ 26 ന് ഹാജരാകാൻ നിർദ്ദേശിച്ച പ്രത്യേക കോടതിയുടെ മുൻ ഉത്തരവിനെ ചോദ്യം ചെയ്ത് രാഹുൽ ഗാന്ധി ജൂൺ 2 ന് ജാർഖണ്ഡ് ഹൈക്കോടതിയെ സമീപിച്ചിരുന്നു.

ജൂൺ 10-ന്, അദ്ദേഹത്തിന്റെ അഭിഭാഷകൻ തന്റെ കക്ഷിക്ക് അന്നേ ദിവസം ഹാജരാകാൻ കഴിയില്ലെന്നും, പകരം ഓഗസ്റ്റ് 6-ന് ഹാജരാകാൻ അനുവദിക്കണമെന്നും ഹൈക്കോടതിയിൽ അഭ്യർത്ഥിച്ചു. ഈ അപേക്ഷ കോടതി അംഗീകരിച്ചു.

Congress leader Rahul Gandhi has been granted conditional bail by the MP-MLA Special Court in Chaibasa, Jharkhand, in connection with a defamation case filed against him for alleged derogatory remarks against Union Home Minister Amit Shah in 2018. Gandhi appeared before Judge Supriya Rani Tigga and was granted bail on the condition that he would cooperate fully with the trial proceedings ¹ ².