റിയാദ്: സഊദി അറേബ്യയിലെ റിയാദില്‍ പ്രവാസി മലയാളിയായ യുവാവ് ഹൃദയാഘാതംമൂലം മരിച്ചു. പരപ്പനങ്ങാടി ചെറമംഗലം സ്വദേശി മേലെവീട്ടില്‍ ഫൈസല്‍ അബൂബക്കര്‍ (46) ആണ് ഹൃദയാഘാതം മൂലം മരിച്ചത്. റിയാദില്‍ ഡ്രൈവറായി ജോലി ചെയ്യുകയായിരുന്ന ഫൈസലിന് ചൊവ്വാഴ്ച വൈകുന്നേരത്തോടെ ദേഹാസ്വാസ്ഥ്യമനുഭപ്പെടുകയായിരുന്നു. തുടര്‍ന്ന് ബത്ഹയിലെ അല്‍ യാന്‍ ക്ലിനിക്കില്‍ എത്തിച്ചു. അവിടെവച്ച് ആരോഗ്യ നില മോശമായതിനാല്‍ മികച്ച ചികിത്സയ്ക്കായി ഷുമൈസി ജനറല്‍ ആശുപത്രിയിലെത്തിച്ച് ഐസിയുവിലേക്ക് മാറ്റി. ഇവിടെവച്ചാണ് മരിച്ചത്.

പിതാവ്: അബൂബക്കര്‍.
മാതാവ്: പരേതയായ അയിഷ. ഭാര്യ: സമീറ. മക്കള്‍: ഫഹ് മാന്‍, ആയിഷ ഫിസ. 

ഷുമൈസി ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മയ്യിത്ത് നാട്ടിലെത്തിച്ച് മറവുചെയ്യും. മയ്യിത്ത് നാട്ടിലെത്തിക്കുന്നതിന് റിയാദ് മലപ്പുറം ജില്ലാ കെഎംസിസി വെല്‍ഫെയര്‍ വിങ് ചെയര്‍മാന്‍ റഫീഖ് ചെറുമുക്ക്, ജനറല്‍ കണ്‍വീനര്‍ റിയാസ് ചിങ്ങത്ത്, ഉസ്മാന്‍ ചെറുമുക്ക്, അബ്ദുറഹ്മാന്‍ ചെലേമ്പ്ര എന്നിവരുടെ നേതൃത്വത്തില്‍ നടപടികള്‍ പുരോഗമിക്കുകയാണ്.

ALSO READ: ഇന്ത്യന്‍ എംബസിയുടെ സലായിലെ കോണ്‍സുലാര്‍ വിസ, സേവന കേന്ദ്രം ഇന്ന് പ്രവര്‍ത്തനം ആരംഭിക്കും

Expatriate Malayali dies of heart attack in Riyadh