അബൂദബി: യു.എ.ഇ പ്രസിഡന്റ് ശൈഖ് മുഹമ്മദ് ബിന്‍ സായിദ് അല്‍ നഹ്‌യാന്റെ റഷ്യന്‍ ഔദ്യോഗിക സന്ദര്‍ശനം ഇന്നാരംഭിക്കും. ഇരു രാജ്യങ്ങളും തമ്മിലുള്ള തന്ത്രപരമായ പങ്കാളിത്തവും സഹകരണം വര്‍ധിപ്പിക്കാനുള്ള മാര്‍ഗങ്ങള്‍ സംബന്ധിച്ച് റഷ്യന്‍ പ്രസിഡന്റ് വ്‌ലാദിമിര്‍ പുടിനുമായി ശൈഖ് മുഹമ്മദ് സംഭാഷണം നടത്തും.

സാമ്പത്തികം, വ്യാപാരം, നിക്ഷേപം, ഊര്‍ജം, സംയുക്ത വികസനത്തിന് സഹായിക്കുന്ന മറ്റ് മേഖലകള്‍, പൊതു താല്‍പര്യമുള്ള പ്രാദേശികഅന്തര്‍ദേശീയ വിഷയങ്ങള്‍ എന്നിവയായിരിക്കും പ്രാധാന്യമുള്ള ചര്‍ച്ചാ വിഷയങ്ങള്‍.

അതേസമയം, യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം ദുബൈ യൂനിയന്‍ ഹൗസിലെ അല്‍ മുദൈഫ് മജ്‌ലിസില്‍ ഇന്നലെ മന്ത്രിമാരെയും വിശിഷ്ട വ്യക്തികളെയും ബിസിനസ് പ്രമുഖരെയും സ്വീകരിച്ചു. സര്‍ക്കാര്‍അര്‍ധ സര്‍ക്കാര്‍, സ്വകാര്യ മേഖലാ സ്ഥാപനങ്ങളുടെ തലവന്മാര്‍, നിക്ഷേപകര്‍ തുടങ്ങിയവരടങ്ങിയ സദസുമായി അദ്ദേഹം സംവദിച്ചു.

കൂടിക്കാഴ്ചക്കിടെ, യു.എ.ഇയുടെ വികസന മാതൃകയുടെ അടിത്തറയെക്കുറിച്ച് ശൈഖ് മുഹമ്മദ് ഊന്നിപ്പറഞ്ഞു. അഭിലാഷകരമായ ലക്ഷ്യങ്ങള്‍, ജനകേന്ദ്രീകൃത സമീപനം, ശക്തമായ പൊതുസ്വകാര്യ പങ്കാളിത്തം എന്നിവയില്‍ നിന്നാണ് യു.എ.ഇയുടെ വിജയം ഉരുത്തിരിഞ്ഞതെന്ന് ശൈഖ് മുഹമ്മദ് അഭിപ്രായപ്പെട്ടു.

തന്ത്രപരമായ ആസൂത്രണം, ദൃഢനിശ്ചയം, സഹകരണം എന്നിവയാല്‍ പതിറ്റാണ്ടുകളോളം പ്രവര്‍ത്തിച്ചാണ് വ്യക്തമായ കാഴ്ചപ്പാട് പ്രതിഫലിപ്പിച്ചു കൊണ്ടുള്ള യു.എ.ഇയുടെ നേട്ടമെന്നും അദ്ദേഹം വ്യക്തമാക്കി.

ALSO READ: റിയാദില്‍ പ്രവാസി മലയാളി ഹൃദയാഘാതംമൂലം മരിച്ചു | Pravasi Death

ALSO READ: ട്രംപിന്റെ ഇന്ത്യാവിരുദ്ധ തീരുവ ഇന്ന് മുതല്‍ നിലവില്‍വരും; രാജ്യതാല്‍പ്പര്യം സംരക്ഷിക്കുമെന്ന് പ്രഖ്യാപിച്ച് കേന്ദ്രസര്‍ക്കാര്‍

ALSO READ: തമിഴ്‌നാട്ടില്‍ ബിജെപിയെ ആര്‍ക്കും വേണ്ടാതായതോടെ ഡിഎംകെക്കെതിരായ വിശാലസഖ്യം പാളി; ഇനി തനിച്ച് മത്സരിക്കേണ്ടിവരും

UAE President Mohamed bin Zayed Al-Nahyan is set to go on an official state visit to Russia Today reported state news agency WAM. During the visit, Al-Nahyan and Russian President Vladimir Putin are expected to discuss strategic partnership between the two countries and ways to enhance it.