മലപ്പുറം: പെരിന്തല്‍മണ്ണ മണ്ണാര്‍മലയില്‍ വീണ്ടും പുലിയുടെ ദൃശ്യം. നാട്ടുകാര്‍ സ്ഥാപിച്ച കാമറയിലാണ് പുലിയുടെ ദൃശ്യം വീണ്ടും പതിഞ്ഞിരിക്കുന്നത്. പുലര്‍ച്ചെയാണ് പുലി റോഡ് മറിച്ചുകടന്ന് വന്നത്. ഇത് ആറാം തവണയാണ് പുലിയുടെ ദൃശ്യം കാമറയില്‍ പതിയുന്നത്. വനം വകുപ്പ് സമീപത്ത് കൂട് സ്ഥാപിച്ചിട്ടുണ്ടെങ്കിലും പുലിയെ പിടികൂടാന്‍ ഇതുവരെയും കഴിഞ്ഞിട്ടില്ല.

രണ്ട് മാസം മുമ്പ് പ്രദേശത്ത് ബൈക്ക് യാത്രക്കാരും പുലിയെ കണ്ടിരുന്നു. വനംവകുപ്പിനെ അറിയിച്ചെങ്കിലും വനംവകുപ്പ് കാര്യമാക്കിയെടുത്തില്ല. പിന്നീടാണ് നാട്ടുകാര്‍ പ്രദേശത്ത് കാമറ സ്ഥാപിക്കുന്നത്. ശേഷം തുടര്‍ച്ചയായി കാമറയില്‍ പുലിയുടെ ദൃശ്യങ്ങള്‍ പതിഞ്ഞുവരുന്നുണ്ട്.