ഡൽഹി: ധർമ്മസ്ഥലയിൽ 2012-ൽ ബലാത്സംഗത്തിനിരയായി കൊല്ലപ്പെട്ട 17-കാരി സൗജന്യയുടെ അമ്മാവൻ വിഠൽ ഗൗഡയുടെ വാഹനം അക്രമികൾ തകർത്തു. ധർമ്മസ്ഥല ട്രസ്റ്റിനെ പിന്തുണയ്ക്കുന്നവർ എന്ന് സംശയിക്കപ്പെടുന്നവരാണ് ആക്രമണത്തിന് പിന്നിൽ. ഇന്നലെ നാല് മാധ്യമപ്രവർത്തകർക്ക് നേരെ ആക്രമണം നടന്നതിന് പിന്നാലെയാണ് ഈ സംഭവം. വാഹനത്തിന്റെ ജനാലകൾ തകർക്കുകയും സീറ്റുകൾ വലിച്ചുകീറുകയും ചെയ്തു.

നിലവിൽ ധർമ്മസ്ഥലയിൽ കനത്ത സുരക്ഷാ ക്രമീകരണങ്ങൾ ഏർപ്പെടുത്തിയിട്ടുണ്ട്. വെസ്റ്റേൺ സോൺ ഐജിയും ദക്ഷിണ കന്നട എസ്‌പിയും സ്ഥലത്ത് നേരിട്ട് മേൽനോട്ടം വഹിക്കുന്നു. അഞ്ച് ബറ്റാലിയൻ പൊലീസ് യൂണിറ്റുകളെ പ്രദേശത്ത് വിന്യസിച്ചിട്ടുണ്ട്. ഇരുവിഭാഗങ്ങളും തമ്മിൽ ഏറ്റുമുട്ടൽ ഉണ്ടാകാനുള്ള സാധ്യത കണക്കിലെടുത്താണ് ഈ മുൻകരുതൽ.

ഇന്ന് രാവിലെ പ്രത്യേക അന്വേഷണ സംഘം യോഗം ചേരും. മാധ്യമപ്രവർത്തകർക്ക് നേരെയുണ്ടായ ആക്രമണവുമായി ബന്ധപ്പെട്ട് നാല് യൂട്യൂബർമാർക്കെതിരെ കേസെടുത്തിട്ടുണ്ട്. ഏഷ്യാനെറ്റ് സുവർണ്ണ ന്യൂസ് ടീമിനെ ആക്രമിച്ചവർക്കെതിരെയും നിയമനടപടി സ്വീകരിച്ചു.

In Dharmasthala, the vehicle of Vithal Gowda, uncle of Soujanya, a 17-year-old rape and murder victim from 2012, was vandalized by suspected supporters of the Dharmasthala Trust. The attack followed an assault on four media personnel. The vehicle's windows were smashed, and seats were torn. Heavy security, including five police battalions, has been deployed, with the Western Zone IG and Dakshina Kannada SP overseeing the situation. A special investigation team will meet today, and cases have been filed against those who attacked journalists, including an Asianet Suvarna News team.