അബൂദബി: സ്‌നേഹത്തിന്റേയും കരുണയുടെയും വില കുറയുന്ന ഈ കാലഘട്ടത്തില്‍, സ്‌നേഹത്തിന്റെ വെളിച്ചമായിരുന്നു മഹാനായ പാണക്കാട് സയ്യിദ് മുഹമ്മദലി ശിഹാബ് തങ്ങളെന്ന് ഫാ. ഗീവര്‍ഗീസ് മാത്യു (അബൂദബി സെന്റ് ജോര്‍ജ് കത്തീഡ്രല്‍) അഭിപ്രായപ്പെട്ടു. ഇന്ത്യന്‍ ഇസ്ലാമിക് സെന്ററില്‍ അബൂദബി കെ.എം.സി.സി ഗുരുവായൂര്‍ മണ്ഡലം കമ്മിറ്റി സംഘടിപ്പിച്ച ശിഹാബ് തങ്ങള്‍ അനുസ്മരണ പരിപാടിയില്‍ മുഖ്യാതിഥിയായി സംസാരിക്കുകയായിരുന്നു അദ്ദേഹം.
ഇന്ന് നമ്മുടെ സമൂഹത്തില്‍ നഷ്ടപ്പെടുന്ന ഏറ്റവും മൂല്യവത്തായ ഒന്നാണ് സ്‌നേഹം. എല്ലാ മതപ്രമാണങ്ങളും പഠിപ്പിക്കുന്നത് അത് തന്നെയാണ്. മനുഷ്യനും സമൂഹവും നന്മയുടെ വഴി അനുസരിക്കണം. കുമ്പിട്ടാലും, കുരിശു വരച്ചാലും, കുറി തൊട്ടാലും മനുഷ്യനാകണം നീ എന്ന വാക്കുകള്‍ ഈ മാനവികതയുടെ പ്രസക്തി ശക്തമായി ഓര്‍മപ്പെടുത്തുന്നു. ഞാനും നിങ്ങളും ആ വെളിച്ചമായി മാറണം സ്‌നേഹത്തിന്റെയും സഹവാസത്തിന്റെയും സന്ദേശം ഉയര്‍ത്തിപ്പിടിച്ച് അദ്ദേഹം പറഞ്ഞു.

പാണക്കാട് കൊടപ്പനക്കല്‍ മുറ്റത്തേക്ക് കടന്നു വരുന്നവര്‍ക്ക് ആശ്വാസം നല്‍കുകയും, ജാതി മതവിവേചനങ്ങളില്ലാതെ സ്‌നേഹം നല്‍കുകയും ചെയ്ത ശിഹാബ് തങ്ങള്‍, മനുഷ്യ സ്‌നേഹത്തിന്റെ ഉത്തക മാതൃകയാണെന്നും അദ്ദേഹം ഓര്‍മപ്പെടുത്തി. അനുസ്മരണ പരിപാടിക്ക് മണ്ഡലം പ്രസിഡന്റ് ഫൈസല്‍ കടവില്‍ അധ്യക്ഷത വഹിച്ചു. കെ.എം.സി.സി സംസ്ഥാന വൈസ് പ്രസിഡന്റ് ഹംസ നടുവില്‍ പരിപാടി ഉദ്ഘാടനം ചെയ്തു. മുസ്ലിം ലീഗ് തൃശൂര്‍ ജില്ലാ പ്രസിഡണ്ട് സി.എ മുഹമ്മദ് റഷീദ് ശിഹാബ് തങ്ങളുടെ സമഗ്ര ജീവിതവും ദൂരദര്‍ശിത്വവും ആസ്പദമാക്കി അനുസ്മരണ പ്രഭാഷണം നടത്തി. സംസ്ഥാന വൈസ് പ്രസിഡന്റ് കോയ തിരുവത്ര, ജില്ലാ പ്രസിഡന്റ് മുഹമ്മദ് അന്‍വര്‍, ജില്ലാ ജന.സെക്രട്ടറി പി.വി ജലാല്‍, ട്രഷറര്‍ പി.എം ഹൈദരലി ആശംസ നേര്‍ന്നു. മണ്ഡലം ജന.സെക്രട്ടറി കബീര്‍ വി.എം സ്വാഗതവും, ട്രഷറര്‍ പി.കെ താരിഖ് നന്ദിയും പറഞ്ഞു.

ALSO READ: ഇത്തിഹാദ് റെയില്‍: ദുബൈ സ്റ്റേഷനുകള്‍ ബസ്, ടാക്‌സികളുമായി ബന്ധിപ്പിക്കും; ട്രെയിനുകളുടെ വേഗത മണിക്കൂറില്‍ 200 കി.മീറ്റര്‍ | Etihad Rail Station Link With Feeder Buses

Father Geevarghese Mathew (St. George's Cathedral, Abu Dhabi) says that in this era when the value of love and compassion is decreasing, the great Panakkad Syed Muhammadali Shihab was a light of love.