ഇന്ത്യൻ വാഹന വിപണിയിൽ മഹീന്ദ്രയോടും ഹ്യുണ്ടായിയോടും മത്സരിച്ച് നാലാം സ്ഥാനത്തേക്ക് ടാറ്റ മോട്ടോർസ് പിന്തള്ളപ്പെട്ടെങ്കിലും ജനങ്ങൾക്കിടയിൽ ടാറ്റാ എന്ന ബ്രാൻഡിനോടുള്ള വിശ്വാസം പേപ്പർ കടലാസുകളിൽ ഒതുങ്ങി പോകുന്ന ഒന്നല്ല. രത്തൻ ടാറ്റയുടെ വിയോഗത്തോടെ ബ്രാൻഡിന്റെ തിളക്കം മങ്ങിയെന്ന് ചിലർ കരുതിയെങ്കിലും, ടാറ്റ മോട്ടോർസ് തോറ്റുമടങ്ങാൻ ഒരുക്കമല്ല. 2025 ഓഗസ്റ്റ് മാസത്തേക്ക് കമ്പനി പ്രഖ്യാപിച്ചിട്ടുള്ള ആകർഷകമായ വിലക്കുറവുകൾ വാഹനപ്രേമികൾക്ക് ആവേശമാകുകയാണ്. ടിയാഗോ മുതൽ ഫ്ലാഗ്ഷിപ്പ്  സഫാരി എസ്‌യുവി വരെയുള്ള മോഡലുകൾക്ക് 1.05 ലക്ഷം രൂപ വരെ ഡിസ്‌കൗണ്ടുകളാണ് ഇപ്പോൾ കമ്പനി പ്രഖ്യാപിച്ചിട്ടുള്ളത്.

ടിയാഗോയും ടിഗോറും: ആകർഷകമായ ഓഫറുകൾ

ടാറ്റയുടെ എൻട്രി ലെവൽ ഹാച്ച്ബാക്കായ ടിയാഗോയ്ക്ക് 55,000 രൂപ വരെ ആനുകൂല്യങ്ങൾ ലഭിക്കും. ബേസ് XE വേരിയന്റ് ഒഴികെയുള്ളവയ്ക്ക് 10,000 രൂപ ക്യാഷ് ഡിസ്‌കൗണ്ടും 15,000 രൂപ എക്‌സ്‌ചേഞ്ച് ബോണസും ഉൾപ്പെടുന്നു. ടിഗോർ കോംപാക്‌ട് സെഡാനാകട്ടെ, 15,000 രൂപ ക്യാഷ് ഡിസ്‌കൗണ്ടും എക്‌സ്‌ചേഞ്ച്, സ്‌ക്രാപ്പേജ് ബോണസുകളും ചേർന്ന് 60,000 രൂപ വരെ ആനുകൂല്യങ്ങൾ വാഗ്ദാനം ചെയ്യുന്നു.

ALSO READ: ആപ്പിൾ ഉപയോക്താക്കളാണോ? ഗുരുതര സുരക്ഷാ മുന്നറിയിപ്പുമായി കേന്ദ്ര സർക്കാർ

 

 

പഞ്ച് എസ്‌യുവി

ടാറ്റയുടെ ഏറ്റവും ജനപ്രിയ മോഡലായ പഞ്ച് എസ്‌യുവിക്ക് ഓഗസ്റ്റിൽ വൻ ഡിസ്‌കൗണ്ടുകൾ. സിഎൻജി വേരിയന്റുകൾക്ക് 30,000 രൂപ ക്യാഷ് ഡിസ്‌കൗണ്ട് ഉൾപ്പെടെ 85,000 രൂപ വരെ ആനുകൂല്യങ്ങൾ ലഭിക്കും. പെട്രോൾ മോഡലിന് 65,000 രൂപ വരെ കിഴിവുണ്ട്. എന്നാൽ, ബേസ്-സ്പെക്ക് പഞ്ച് പ്യുവർ പെട്രോൾ, സിഎൻജി വേരിയന്റുകൾക്ക് ഓഫറുകൾ ലഭ്യമല്ല.

ALSO READ: 7 സീറ്റർ ഇലക്ട്രിക് കാർ വാങ്ങാൻ ആണോ നിങ്ങളുടെ പ്ലാൻ? വിൻഫാസ്റ്റ് എസ്‌യുവി ഉടൻ ഇന്ത്യൻ വിപണിയിലേക്ക്

 

 

നെക്‌സോൺ: എല്ലാ പവർട്രെയിനുകൾക്കും ഓഫർ

നെക്‌സോൺ എസ്‌യുവിയിൽ 15,000 രൂപ ക്യാഷ് ഡിസ്‌കൗണ്ടും 15,000 രൂപ എക്‌സ്‌ചേഞ്ച് ബോണസും ചേർന്ന് 50,000 രൂപ വരെ ലാഭിക്കാം. പെട്രോൾ, ഡീസൽ, സിഎൻജി വേരിയന്റുകൾക്കെല്ലാം ഈ ഓഫർ ബാധകമാണ്. എന്നാൽ, സ്മാർട്ട്+, സ്മാർട്ട്+ S സിഎൻജി വേരിയന്റുകൾക്ക് ഡിസ്‌കൗണ്ട് ലഭിക്കില്ല.

 

 

ആൾട്രോസും കർവും: പ്രീമിയം ഹാച്ച്ബാക്കിന് വൻ ലാഭം

ആൾട്രോസ് പ്രീ-ഫെയ്‌സ്‌ലിഫ്റ്റ് മോഡലിന് 85,000 രൂപ വരെ ഓഫറുകൾ ലഭ്യമാണ്. കർവ് കൂപ്പെ എസ്‌യുവിക്ക് ക്യാഷ് ഡിസ്‌കൗണ്ട് ഇല്ലെങ്കിലും, എക്‌സ്‌ചേഞ്ച്, സ്‌ക്രാപ്പേജ് ബോണസുകളായി 30,000 രൂപ വരെ ആനുകൂല്യങ്ങൾ ലഭിക്കും.

 

 

ഹാരിയറും സഫാരിയും: ഫ്ലാഗ്ഷിപ്പ് എസ്‌യുവികൾക്ക് ഒരു ലക്ഷം വരെ കിഴിവ്

ഹാരിയർ എസ്‌യുവിയുടെ അഡ്വഞ്ചർ പ്ലസ്, അഡ്വഞ്ചർ പ്ലസ് ഓട്ടോമാറ്റിക് വേരിയന്റുകൾക്ക് 1 ലക്ഷം രൂപ ക്യാഷ് ഡിസ്‌കൗണ്ട് ലഭിക്കും. ഫിയർലെസ് X പ്ലസ്, പ്യുവർ പ്ലസ്, പ്യുവർ പ്ലസ് S ട്രിമുകൾക്ക് 50,000 രൂപ വരെ കിഴിവുണ്ട്. ഫിയർലെസ് നിരയിലെ മറ്റ് ട്രിമുകൾക്ക് 25,000 രൂപ ക്യാഷ് ഡിസ്‌കൗണ്ട് ലഭ്യമാണ്. സഫാരിക്കും സമാനമായ ഓഫറുകൾ ഉണ്ട്, വിശദമായ വിവരങ്ങൾ ഷോറൂമുകളിൽ ലഭിക്കും.

 

 

സുരക്ഷയും ഫീച്ചറുകളും ഒത്തുചേർന്ന ടാറ്റ കാറുകൾ വാങ്ങാൻ ആഗ്രഹിക്കുന്നവർക്ക് ഈ വർഷം ഓഗസ്റ്റ് അസുലഭ അവസരമാണ്.

ALSO READ: ഓഫറുകൾ പ്രഖ്യാപിച്ച് മാരുതി സുസുക്കിയും: 1.75 ലക്ഷം രൂപ വരെ കിഴിവിൽ വിറ്റഴിക്കുന്നത് സൂപ്പർ എസ് യു വി; ഇഷ്ട വാഹനം ഇപ്പോൾ തന്നെ സ്വന്തമാക്കൂ

Discover the perfect time to buy Tata cars with incredible offers and discounts waiting for you. Don't miss out on these exciting deals!