ദുബൈ/ചെങ്ഡു: ചെങ്ഡു വേള്‍ഡ് ഗെയിംസിന്റെ രണ്ടാംദിന മത്സരങ്ങളില്‍ ജിയു ജിറ്റ്‌സു യു.എ.ഇ ദേശീയ ടീമിലെ താരങ്ങള്‍ മൂന്ന് മെഡലുകള്‍ നേടി. പോര്‍ച്ചുഗല്‍, ദക്ഷിണ കൊറിയ, സഊദി എന്നീ രാജ്യങ്ങളില്‍ നിന്നുള്ള എതിരാളികള്‍ക്കെതിരേ ശക്തമായ പോരാട്ടങ്ങള്‍ നടത്തിയ ശേഷം സഈദ് അല്‍ കുബൈസി 85 കിലോ വിഭാഗത്തില്‍ സ്വര്‍ണം സ്വന്തമാക്കി. 77 കിലോ വിഭാഗത്തില്‍ മെഹ്ദി അല്‍ അവ്‌ലാക്കി വെള്ളി നേടി. 69 കിലോ വിഭാഗത്തില്‍ മുഹമ്മദ് അല്‍ സുവൈദിയും വെള്ളി നേടി.

ഒളിമ്പിക് ഗെയിംസില്‍ ഇതുവരെ ഉള്‍പ്പെടുത്താത്ത കായിക ഇനങ്ങളുടെ ആഗോള പ്രദര്‍ശനമായി കണക്കാക്കപ്പെടുന്ന, ഈവര്‍ഷം ഓഗസ്റ്റ് 7 മുതല്‍ 17 വരെ ചൈനീസ് നഗരമായ ചെങ്ഡുവില്‍ നടക്കുന്ന 12ാമത് വേള്‍ഡ് ഗെയിംസില്‍ 118 രാജ്യങ്ങളില്‍ നിന്നുള്ള ഏകദേശം 5,000 അത്‌ലറ്റുകള്‍ 34 കായിക ഇനങ്ങളിലായി മത്സരിക്കുന്നു. ഇത് ഏറ്റവും പ്രധാനപ്പെട്ട അന്താരാഷ്ട്ര കായിക ഇനങ്ങളില്‍ ഒന്നായി കണക്കാക്കപ്പെടുന്നു.
യു.എ.ഇയിലെ ജിയുജിറ്റ്‌സു അതിന്റെ മികവും എല്ലാ അവസരങ്ങളിലും വിജയിക്കാനുള്ള കഴിവും തെളിയിച്ചിട്ടുണ്ട്. കായിക രംഗത്തിന്റെ തുടര്‍ച്ചയായ വളര്‍ച്ചയും ഭൂഖണ്ഡാന്തര, ആഗോള വേദികളില്‍ ദേശീയ ടീമിന്റെ നേട്ടങ്ങളും ഇതിനെ പിന്തുണക്കുന്നു.

രാജ്യത്തെ അത്‌ലറ്റുകള്‍ പ്രാദേശിക, അന്തര്‍ദേശീയ മേഖലകളില്‍ സ്ഥിരമായി നാടിന് അഭിമാനം പകര്‍ന്നിട്ടുണ്ട്. ലോകമെമ്പാടുമുള്ള മികച്ച റാങ്കുള്ള മത്സരാര്‍ഥികളുടെ സാന്നിധ്യം കണക്കിലെടുക്കുമ്പോള്‍, ചൊവ്വാഴ്ച നടന്ന മത്സര ഫലം കൂടുതല്‍ പ്രാധാന്യമര്‍ഹിക്കുന്നുവെന്നും, യു.എ.ഇയിലെ കായിക താരങ്ങളെ ഉയര്‍ന്ന തലത്തില്‍ പ്രകടനം നടത്താന്‍ സജ്ജമാക്കാനുള്ള ഫെഡറേഷന്റെ തുടര്‍ ശ്രമങ്ങളുടെയും സംരംഭങ്ങളുടെയും ഫലമാണ് ഈ വിജയമെന്നും സഈദ് അല്‍ കുബൈസി പറഞ്ഞു. തങ്ങള്‍ നടത്തിയ കഠിനാധ്വാനത്തിന്റെയും തീവ്രമായ പരിശീലനത്തിന്റെയും സ്വാഭാവിക ഫലമാണിതെന്നും, ഈ ഘട്ടത്തിലെത്താനും ഇത്തരമൊരു ആഗോള മത്സരത്തില്‍ വ്യക്തിമുദ്ര പതിപ്പിക്കാനും തങ്ങളെ സഹായിച്ച യു.എ.ഇ ജിയുജിറ്റ്‌സു ഫെഡറേഷന് നല്‍കിയ പിന്തുണയ്ക്ക് നന്ദിയര്‍പ്പിക്കുന്നുവെന്നും അദ്ദേഹം വ്യക്തമാക്കി.
ഇന്നലെ ഓപണ്‍ വെയ്റ്റ് പുരുഷ വിഭാഗത്തില്‍ യു.എ.ഇയുടെ മെഹ്ദി അല്‍ അവ്‌ലാക്കി, സഈദ് അല്‍ കുബൈസി, മുഹമ്മദ് അല്‍ സുവൈദി എന്നിവരും, വനിതാ വിഭാഗത്തില്‍ അസ്മ അല്‍ ഹുസനി, ഷംസ അല്‍ അമ്രി, ഷമ്മ അല്‍ കല്‍ബാനി എന്നിവരും മത്സരിച്ചു.

The UAE Jiu-Jitsu National Team on Tuesday closed its campaign at the World Games in Chengdu, China, with a total of four medals, following Mohammed Al Suwaidi’s bronze in the men’s open weight division on the final day of its competition.