ബിജാപൂർ: മാവോയിസ്റ്റുകൾ സ്ഥാപിച്ച ഇംപ്രൊവൈസ്ഡ് എക്സ്പ്ലോസീവ് ഡിവൈസ് (ഐഇഡി) പൊട്ടിത്തെറിച്ച് ഒരു പൊലിസ് ജവാൻ കൊല്ലപ്പെടുകയും മൂന്ന് പേർക്ക് പരുക്കേൽക്കുകയും ചെയ്തു. ഡിആർജി ജവാൻ ദിനേശ് നാഗ് ആണ് കൊല്ലപ്പെട്ടത്. ഛത്തീസ്ഗഡിലെ ബിജാപൂർ ജില്ലയിലാണ് സംഭവം.

തിങ്കളാഴ്ച രാവിലെ ഇന്ദ്രാവതി ദേശീയോദ്യാന പ്രദേശത്താണ് സ്‌ഫോടനമുണ്ടായത്. സംസ്ഥാന പൊലിസിന്റെ യൂണിറ്റായ ഡിസ്ട്രിക്റ്റ് റിസർവ് ഗാർഡിന്റെ (ഡിആർജി) ഒരു സംഘം നക്‌സൽ വിരുദ്ധ ഓപ്പറേഷനു പോയ സമയത്താണ് സ്‌ഫോടനം ഉണ്ടായത്.

പരുക്കേറ്റ ഉദ്യോഗസ്ഥർക്ക് പ്രാഥമിക ചികിത്സ നൽകിയതായും കാട്ടിൽ നിന്ന് ഒഴിപ്പിക്കുന്നതായും ഉദ്യോഗസ്ഥൻ പറഞ്ഞു. കഴിഞ്ഞ ആഴ്ചയും ബിജാപൂർ ജില്ലയിൽ മാവോയിസ്റ്റുകൾ സ്ഥാപിച്ച പ്രഷർ ഐഇഡി പൊട്ടിത്തെറിച്ച് ഡിആർജിയിലെ ഒരു ഉദ്യോഗസ്ഥന് പരുക്കേറ്റിരുന്നു.

A police jawan was killed and three others injured after an improvised explosive device (IED) planted by Maoists exploded in Bijapur district, Chhattisgarh. The deceased has been identified as DRG jawan Dinesh Nag.