തിരുവനന്തപുരം: രാജ്യത്തെ സമ്പൂര്‍ണ്ണ ഡിജിറ്റല്‍ സാക്ഷരത നേടിയ ആദ്യ സംസ്ഥാനമായി കേരളം. വ്യാഴാഴ്ച്ച വൈകീട്ട് നാല് മണിക്ക് തിരുവനന്തപുരം സെന്‍ട്രല്‍ സ്റ്റേഡിയത്തില്‍ വെച്ച് നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ ഔദ്യോഗിക പ്രഖ്യാപനം നടത്തും. 

തിരുവനന്തപുരം പുല്ലംപാറ പഞ്ചായത്തിന്റെ മാതൃക സ്വീകരിച്ചാണ് സര്‍ക്കാര്‍ സംസ്ഥാന വ്യാപകമായി പദ്ധതി നടപ്പിലാക്കിയത്. ഇതിനായി ഒന്നരക്കോടി ആളുകളെ സര്‍വേക്ക് വിധേയമാക്കിയതായി തദ്ദേശമന്ത്രി എംബി രാജേഷ് പറഞ്ഞു. 85 ലക്ഷം വീടുകളില്‍ സര്‍വേ നടത്തിയെന്നും മന്ത്രി കൂട്ടിച്ചേര്‍ത്തു.

തദ്ദേശ സ്ഥാപനങ്ങള്‍ വഴിയാണ് സര്‍വേ നടന്നത്. ഇതിനായി 2,57,000 വളണ്ടിയര്‍മാരെയും നിയോഗിച്ചു. ഒന്നരക്കോടി ആളുകളില്‍ 99.98 പേരും മൂല്യനിര്‍ണയത്തില്‍ വിജയിച്ചെന്നും മന്ത്രി വ്യക്തമാക്കി.

ALSO READ: കേരള ഷിപ്പിങ് ആന്‍ഡ് ഇന്‍ലാന്‍ഡ് നാവിഗേഷനില്‍ കണ്ടക്ടര്‍; യോഗ്യതയറിയാമോ? സ്ഥിര ജോലി നേടാം

ALSO READ: വിസി നിയമനം; ഗവര്‍ണര്‍ക്ക് തിരിച്ചടി; മുഖ്യമന്ത്രി നല്‍കുന്ന പട്ടികയില്‍ നിന്ന് മാത്രം നിയമനം നടത്തണമെന്ന് സുപ്രീം കോടതി