കാസര്‍ഗോഡ്: കുണ്ടംകുഴി ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ അസംബ്ലിക്കിടെ പത്താം ക്ലാസ് വിദ്യാര്‍ഥിയുടെ കര്‍ണപുടം അടിച്ചു തകര്‍ത്ത സംഭവത്തില്‍ പ്രധാനാധ്യാപകന്‍ എം. അശോകന് അവധിയില്‍ പ്രവേശിക്കാന്‍ പൊതുവിദ്യാഭ്യാസ ഡയറക്ടര്‍ നിര്‍ദേശം നല്‍കി. ജില്ലാ വിദ്യാഭ്യാസ ഉപഡയറക്ടര്‍ സമര്‍പ്പിച്ച റിപ്പോര്‍ട്ട് പരിശോധിച്ച ശേഷം തുടര്‍നടപടികള്‍ സ്വീകരിക്കും വരെ അധ്യാപകന്‍ അവധിയില്‍ തുടരണമെന്നാണ് നിര്‍ദേശം. സംഭവത്തിനെതിരെ ഉയര്‍ന്ന പ്രതിഷേധങ്ങളാണ് ഈ തീരുമാനത്തിന് കാരണമായത്.

ALSO READ: 10 ലക്ഷത്തിന് താഴെ വില: ഓട്ടോമാറ്റിക് ക്ലൈമറ്റ് കൺട്രോൾ ഫീച്ചറുള്ള 6 കിടിലൻ കാറുകൾ

വിദ്യാഭ്യാസ മന്ത്രി വി. ശിവന്‍കുട്ടിയുടെ ഇടപെടലിനെ തുടര്‍ന്ന്, വിദ്യാര്‍ഥി അഭിനവ് കൃഷ്ണയുടെയും പ്രധാനാധ്യാപകന്‍ എം. അശോകന്റെയും മൊഴികള്‍ ജില്ലാ വിദ്യാഭ്യാസ ഉപഡയറക്ടര്‍ ടി.വി. മധുസൂദനന്‍ രേഖപ്പെടുത്തിയിരുന്നു. ഇതിന്റെ അടിസ്ഥാനത്തില്‍ തയ്യാറാക്കിയ റിപ്പോര്‍ട്ട് പൊതുവിദ്യാഭ്യാസ ഡയറക്ടര്‍ക്ക് സമര്‍പ്പിച്ചു.

സംഭവം വിവാദമായതോടെ സംസ്ഥാന ബാലാവകാശ കമ്മിഷന്‍ സ്വമേധയാ കേസ് രജിസ്റ്റര്‍ ചെയ്തു. എന്നാല്‍, അധ്യാപകന്റെ ഭാഗത്ത് ഉദ്ദേശ്യലക്ഷ്യമല്ല, മറിച്ച് അബദ്ധം മാത്രമാണ് സംഭവിച്ചതെന്നാണ് പി.ടി.എ.യുടെ വാദം. ഇതിനിടെ, വിദ്യാര്‍ഥിയുടെ രക്ഷിതാക്കള്‍ ബേഡകം പൊലിസ് സ്റ്റേഷനില്‍ പ്രധാനാധ്യാപകനെതിരെ പരാതി നല്‍കി. കൂടാതെ, വിഷയം ഒത്തുതീര്‍പ്പാക്കാനായി അധ്യാപകനും പി.ടി.എ. അംഗങ്ങളും വിദ്യാര്‍ഥിയുടെ വീട്ടിലെത്തി ചികിത്സാ സഹായമായി ഒരു ലക്ഷം രൂപ വാഗ്ദാനം ചെയ്തുവെന്ന് വിദ്യാര്‍ഥിയുടെ അമ്മ ആരോപിച്ചിരുന്നു.

ALSO READ: കോഴിക്കോട് ഓടിക്കൊണ്ടിരുന്ന കാറിന് തീപിടിച്ചു; യാത്രക്കാർ രക്ഷപ്പെട്ടത് തലനാരിഴയ്ക്ക്; തുടരെ റെനോയുടെ ഡസ്റ്റർ കാർ തീപിടിക്കുന്നതിന് പിന്നിലെ കാരണമെന്ത് ?

In Kasaragod, a school headmaster, M. Ashokan, was directed to take leave after allegedly damaging a student's eardrum during an assembly at Kundamkuzhi Government Higher Secondary School. Following protests, the General Education Director issued the order, pending further action based on a report from the District Education Deputy Director