2025 വനിത ഏകദിന ലോകകപ്പിനുള്ള ഇന്ത്യൻ ടീമിനെ പ്രഖ്യാപിച്ചു. ഹർമൻപ്രീത് കൗറിന്റെ കീഴിലാണ് ഇന്ത്യ ലോകകപ്പ് കളിക്കാനെത്തുന്നത്. സ്മൃതി മന്ദാനയെ വൈസ് ക്യാപ്റ്റനായും തെരഞ്ഞെടുത്തു. ഓപ്പണർ ഷെഫാലി വർമക്ക് ടീമിൽ ഇടം നേടാൻ സാധിക്കാതെ പോയി. 2024 ഒക്ടോബറിലാണ് ഷഫാലി വർമ്മ അവസാനമായി ഏകദിനത്തിൽ ഇന്ത്യക്കായി കളിച്ചത്. സമീപകാലങ്ങളിൽ സ്ഥിരതയാർന്ന പ്രകടനം നടത്താൻ സാധിക്കാതെ പോയതാണ് ഷഫാലിക്ക് തിരിച്ചടിയായത്. 

ഇന്ത്യക്ക് ഇതുവരെ വനിത ലോകകപ്പ് സ്വന്തമാക്കാൻ സാധിച്ചിട്ടില്ല. 2017ൽ നടന്ന ടൂർണമെന്റിൽ ഇന്ത്യ ഫൈനലിൽ എത്തിയെങ്കിലും ഇംഗ്ലണ്ടിനോട് പരാജയപ്പെട്ട് ഇന്ത്യക്ക് കിരീടം നഷ്ടമാവുകയായിരുന്നു. മിതാലി രാജിന്റെ കീഴിലാണ് ഇന്ത്യ ആ ടൂർണമെന്റിൽ റണ്ണേഴ്‌സ് അപ്പായത്. ലോകകപ്പിൽ സെപ്റ്റംബർ 30നാണ് ഇന്ത്യയുടെ ആദ്യ മത്സരം. ശ്രീലങ്കയാണ്‌ ഹർമൻപ്രീതിന്റെയും സംഘത്തിന്റെയും ആദ്യ മത്സരത്തിലെ എതിരാളികൾ. 

2025 വനിത ഏകദിന ലോകകപ്പിനുള്ള ഇന്ത്യൻ ടീം

ഹർമൻപ്രീത് കൗർ (ക്യാപ്റ്റൻ), സ്മൃതി മന്ദാന (വൈസ് ക്യാപ്റ്റൻ), പ്രതീക റാവൽ, ഹർലീൻ ഡിയോൾ, ദീപ്തി ശർമ, ജെമീമ റോഡ്രിഗസ്, രേണുക സിംഗ് താക്കൂർ, അരുന്ധതി റെഡ്ഡി, റിച്ച ഘോഷ് (വിക്കറ്റ് കീപ്പർ), ക്രാന്തി ഗൗഡ്, അമാൻജോത് കൗർ, ശ്രീ ചരാനി, രാധ യാദവ്, യാസ്തിക ഭാട്ടിയ(വിക്കറ്റ് കീപ്പർ), സ്നേഹ റാണാ.

The Indian team for the 2025 Women's ODI World Cup has been announced. India will play the World Cup under the leadership of Harmanpreet Kaur. Smriti Mandhana has also been selected as the vice-captain.