മലപ്പുറം: വോട്ട് ചേര്‍ക്കാന്‍ മലപ്പുറം നഗരസഭയില്‍ വ്യാജരേഖ ഉപയോഗിച്ചെന്ന് പരാതി. ഉദ്യോഗസ്ഥരുടെ ഭാഗത്ത് നിന്ന്് ഗുരുതര വീഴ്ച്ചയാണ് ഉണ്ടായതെന്നാണ് പരാതി. അപേക്ഷകരുടെ എസ്എസ്എല്‍സി ബുക്കിന്റെ കോപ്പി മാത്രമേ ഉദ്യോഗസ്ഥര്‍ പരിശോധിച്ചുള്ളൂ. ആരുടേയും ഒറിജിനല്‍ സര്‍ട്ടിഫിക്കറ്റ് ഹിയറിങില്‍ പരിശോധിച്ചതുമില്ല.

ഈ പഴുത് ഉപയോഗിച്ച് ചിലര്‍ എസ്എസ്എല്‍സി ബുക്കിന്റെ പകര്‍പ്പ് ജനന തീയതി തിരുത്തി ഹാജരാക്കി. 2007 ജനുവരി 1 ശേഷം ജനിച്ചവരും പേര് ചേര്‍ക്കാന്‍ അപേക്ഷ നല്‍കിയിട്ടുണ്ട്. വീഴ്ച്ച വരുത്തിയ ഉദ്യോഗസ്ഥന് കാരണം കാണിക്കല്‍ നോട്ടീസ് നല്‍കി.

എഞ്ചിനീയറിങ് സൂപ്രണ്ട് ഷിബു അഹമ്മദിനാണ് നഗരസഭ സെക്രട്ടറി നോട്ടിസ് നല്‍കിയത്. 24 മണിക്കൂറിനകം വിശദീകരണം നല്‍കണമെന്നാണ് നോട്ടിസില്‍ പറയുന്നത്. ഹിയറിങ് ചുമതലയില്‍ നിന്ന് ഈ ഉദ്യോഗസ്ഥനെ മാറ്റുകയും ചെയ്തു.

ALSO READ: ഒരു മാസത്തിലധികം ജയിലിൽ കിടന്നാൽ മന്ത്രിമാരുടെ സ്ഥാനം തെറിക്കും; ഭരണഘടനാ ഭേദഗതി ബില്ലുമായി കേന്ദ്രം

വ്യാജ സര്‍ട്ടിഫിക്കറ്റിന് പിന്നില്‍ ഡിവൈഎഫ്‌ഐയെന്നാണ് മുസ്്‌ലിം ലീഗ് ആരോപിക്കുന്നത്. വിഷയത്തില്‍ അന്വേഷണം ആവശ്യപ്പെട്ട് മലപ്പുറം എസ്പിക്കും ജില്ലാ കലക്ടര്‍ക്കും സംസ്ഥാന തെരഞ്ഞെടുപ്പ് കമ്മീഷനും മുസ്്‌ലിം ലീഗ് പരാതി നല്‍കി. എന്നാല്‍ ആരോപണം നിഷേധിച്ച് ഡിവൈഎഫ്‌ഐ രംഗത്തെത്തിയിട്ടുണ്ട്.

A serious allegation has surfaced in Malappuram Municipality regarding voter list manipulation using forged documents. It is reported that officials failed to properly verify original certificates during the voter enrollment hearing process. Only photocopies of SSLC (Secondary School Leaving Certificate) booklets were checked, without inspecting original documents.