ബിലാസ്പുർ: ഛത്തീസ്ഗഢിൽ ക്രിസ്ത്യൻ വിഭാഗത്തിനെതിരെ വീണ്ടും അതിക്രമം. ബിലാസ്പുർ ജില്ലയിലെ ഭർണിയയിൽ ക്രിസ്ത്യൻ ആരാധനാലയത്തിനും അനുബന്ധ വീടിനുമെതിരെ ബുൾഡോസർ നടപടി നടപ്പാക്കി. ജില്ലാ ഭരണകൂടത്തിന്റെ നേതൃത്വത്തിലാണ് കെട്ടിടങ്ങൾ പൊളിച്ചുമാറ്റിയത്.

മതപരിവർത്തനം നടത്തുന്നുവെന്ന ആരോപണത്തിന്റെ അടിസ്ഥാനത്തിലാണ് നടപടി. ഹിന്ദു സംഘടനകളുടെ പരാതിയെ തുടർന്ന് ജില്ലാ അധികൃതർ അന്വേഷണം നടത്തിയിരുന്നു. സർക്കാർ ഭൂമിയിൽ അനധികൃതമായി നിർമിച്ച കെട്ടിടങ്ങളാണെന്നാണ് ഭരണകൂടത്തിന്റെ വിശദീകരണം. കാലങ്ങളായി ആരാധനാലയം പ്രവർത്തിച്ചുവരുന്നുവെന്നും അധികൃതർ ചൂണ്ടിക്കാട്ടി.

ALSO READ: ജനസമ്പർക്ക പരിപാടിക്കിടെ ഡൽഹി മുഖ്യമന്ത്രി രേഖ ഗുപ്തയ്ക്ക് നേരെ ആക്രമണം; ഒരാൾ അറസ്റ്റിൽ

ബാങ്ക് ലോണെടുത്താണ് കെട്ടിടം നിർമിച്ചതെന്നും സർക്കാർ ഭൂമിക്ക് എങ്ങനെ വായ്പ അനുവദിക്കുമെന്നും പാസ്റ്റർ ചോദ്യമുന്നയിച്ചു. സംഭവത്തിനെതിരെ വ്യാപക പ്രതിഷേധം ഉയർന്നുവരുന്നുണ്ട്. ക്രിസ്ത്യൻ സമുദായം ശക്തമായ പ്രതികരണം രേഖപ്പെടുത്തിയിട്ടുണ്ട്.

In Chhattisgarh’s Bilaspur district, a Christian place of worship and an adjacent house in Bharni were demolished by bulldozer on orders of the district administration. The action was taken following complaints from Hindu groups alleging religious conversion and unauthorized construction on government land. The pastor questioned how a bank loan was granted for the building if the land was government-owned. The incident has sparked widespread protests from the Christian community