കരുനാഗപ്പള്ളി: ഗവ. ടൗണ്‍ എല്‍.പി.എസില്‍ അധ്യാപകദിനവുമായി ബന്ധപ്പെട്ട് പൂര്‍വ്വ അധ്യാപകസംഗമവും ഗുരുവന്ദനവും നടന്നു. ഹെഡ്മിസ്ട്രസ് അനീസാബീവി ഉദ്ഘാടനം ചെയ്തു. പൂര്‍വ്വ അധ്യാപകരെ ചടങ്ങില്‍ ആദരിച്ചു. ജീവിതശൈലി എന്ന വിഷയത്തെ സംബന്ധിച്ച് കൗണ്‍സിലര്‍ എം.സി ശ്രീകുമാര്‍ ക്ലാസ്സ് നയിച്ചു. പി.റ്റി.എ പ്രസിഡന്റ് പി. സന്തോഷ് കുമാര്‍ അധ്യക്ഷനായി. മാതൃസമിതി പ്രസിഡന്റ് ബിന്ദു സുനില്‍ രാഷ്ട്രപതിയുടെ അധ്യാപകദിനസന്ദേശം വായിച്ചു. അധ്യാപികമാരായ ദീപ്തി, ശ്രീജ സംസാരിച്ചു.