ദുബൈ: സംഘടിത കുറ്റകൃത്യങ്ങള്‍ക്കെതിരായ പോരാട്ടത്തിന്റെ ഭാഗമായി രണ്ട് അന്താരാഷ്ട്ര കുറ്റവാളികളെ നാടുകടത്തി യുഎഇ. യുഎഇ ആഭ്യന്തര മന്ത്രാലയമാണ് ഇക്കാര്യം അറിയിച്ചത്. ഫ്രാന്‍സ്, ബെല്‍ജിയം എന്നീ രാജ്യങ്ങളില്‍ നിന്നുള്ള കുറ്റവാളികളെയാണ് നാടുകടത്തിയത്. 

ALSO READ: പുതിയ അധ്യയന വര്‍ഷം: ആദ്യ ദിനത്തില്‍ രക്ഷിതാക്കള്‍ക്ക് ജോലി സമയത്തില്‍ ഇളവ്; നഴ്‌സറി, കെജി കുട്ടികളുടെ രക്ഷിതാക്കള്‍ക്ക് ഒരാഴ്ചവരെ 

ഇന്റര്‍പോള്‍ പുറപ്പെടുവിച്ച റെഡ് നോട്ടീസിന്റെ അടിസ്ഥാനത്തില്‍ ദുബൈ പൊലിസാണ് കുറ്റവാളികളെ യുഎഇയില്‍ വെച്ച് പിടികൂടിയത്. നാടുകടത്തിയ കുറ്റവാളികളുടെ പേരുകള്‍ ആഭ്യന്തര മന്ത്രാലയം പുറത്തുവിട്ടിട്ടില്ല. പിടിയിലായ പ്രതികളില്‍ ഒരാളെ ഫ്രഞ്ച് അതോറിറ്റി പിടികിട്ടാപുള്ളിയായി പ്രഖ്യാപിച്ചിരുന്നു. നിരവധി യൂറോപ്പ്യന്‍ രാജ്യങ്ങളിലേക്ക് ക്രിമിനല്‍ സംഘങ്ങളുമായി ചേര്‍ന്ന് മയക്കുമരുന്ന് നടത്തിയ കേസിലാണ് ഇയാളെ ഫ്രഞ്ച് അതോറിറ്റി പിടികിട്ടാപ്പുള്ളിയായി പ്രഖ്യാപിച്ചിരുന്നത്. 

ALSO READ: യുഎഇയില്‍ 6 മാസത്തിനിടെ കണ്ടെത്തിയത് 400ലധികം 'വ്യാജ സ്വദേശിവല്‍ക്കരണ' കേസുകള്‍ 

സംഘത്തിന്റെ നേതാവിനെ സഹായിച്ചിരുന്നതും ഫ്രഞ്ച് പൗരനായ ഇയാളായിരുന്നു. മയക്കുമരുന്ന് കേസില്‍ ഉള്‍പ്പെട്ടതിനെ തുടര്‍ന്നാണ് ബെല്‍ജിയം പൗരനായ പ്രതിയേയും പിടികിട്ടാപ്പുള്ളിയായി പ്രഖ്യാപിച്ചത്. അന്താരാഷ്ട്ര തലത്തില്‍ നടക്കുന്ന സംഘടിത കുറ്റകൃത്യങ്ങള്‍ക്കെതിരെയുള്ള രാജ്യത്തിന്റെ പ്രതിബദ്ധതയാണ് ഈ കുറ്റവാളി കൈമാറ്റമെന്ന് ആഭ്യന്തര മന്ത്രാലയം പുറത്തുവിട്ട പ്രസ്താവനയില്‍ പറയുന്നു. 

നേരത്തേ പല പിടികിട്ടാപ്പുള്ളികളെയും യുഎഇ വിദേശരാജ്യങ്ങള്‍ക്ക് കൈമാറിയിരുന്നു. സംഘടിത കുറ്റകൃത്യങ്ങളില്‍ പങ്കാളികളായ മൂന്ന് ബെല്‍ജിയം പൗരന്മാരെ ജൂലൈ 13ന് യുഎഇ നാടുകടത്തിയിരുന്നു.

UAE has deported two individuals wanted internationally under Interpol Red Notices. The action highlights the UAE’s cooperation in global law enforcement and commitment to international justice.