മനാമ: കൊടും വേനല്‍ ചൂടിന് അറുതിയാകുന്നതിന്റെയും മിത കാലാവസ്ഥയുടെ തുടക്കത്തിന്റെയും സൂചകമായി കണക്കാക്കപ്പെടുന്ന സുഹൈല്‍ നക്ഷത്രം ബഹ്‌റൈനില്‍ നാളെ (August 24) ഉദിക്കും. എങ്കിലും ചൂടിന് കുറവുണ്ടാകില്ലെന്ന് ബഹ്‌റൈന്‍ ജ്യോതിശാസ്ത്രജ്ഞനായ മുഹമ്മദ് രിദ അല്‍അസ്ഫൂര്‍ അറിയിച്ചു. ശരത്കാലത്ത് താപനില നേരിയ തോതില്‍ കുറയുമെങ്കിലും ഉയര്‍ന്ന ആര്‍ദ്രത കാരണം ചൂട് അനുഭവപ്പെടുന്നത് തുടരുമെന്നും മുഹമ്മദ് രിദ അല്‍അസ്ഫൂര്‍ കൂട്ടിച്ചേര്‍ത്തു.

സെപ്റ്റംബര്‍ 22 നാണ് രാജ്യത്ത് ശരത്കാലം ആരംഭിക്കുന്നത്. എന്നിരുന്നാലും ഒക്ടോബര്‍ വരെ ചൂട് ക്രമേണ തുടരും. സെപ്റ്റംബര്‍ 27 ന് പകലും രാത്രിയും തുല്യമായിരിക്കും.

അതേസമയം, ബഹ്‌റൈനില്‍ ഈ വാരാന്ത്യത്തില്‍ ഉയര്‍ന്ന താപനിലയും ആര്‍ദ്രതയും അനുഭവപ്പെടാന്‍ സാധ്യതയുണ്ട്. താപനില 43° സെല്‍ഷ്യസ് വരെ ഉയരാനും ആര്‍ദ്രത 85% വരെ എത്താനും സാധ്യതയുണ്ടെന്നും കാലാവസ്ഥാ കേന്ദ്രം അറിയിച്ചു.

ഗള്‍ഫ് രാഷ്ട്രങ്ങളില്‍ താപനിലയിലെ മാറ്റത്തിന്റെ സൂചന നല്‍കുന്ന ഒരു പരമ്പരാഗത അടയാളമാണ് സുഹൈല്‍ (Lambda Velorum) നക്ഷത്രത്തിന്റെ ഉദയം. ഭൂമിയില്‍ നിന്ന് 313 പ്രകാശവര്‍ഷം അകലെയാണ് സുഹൈല്‍ നക്ഷത്രം. സുഹൈല്‍ എന്നത് ചൂടും ഒപ്പം ഗുരുതരമായ ആരോഗ്യ പ്രശ്ങ്ങള്‍ ഉണ്ടാകുന്ന ഒരു കാലഘട്ടമായാണ് പരമ്പരാഗതമായി അറബികള്‍ കണക്കാക്കുന്നത്. അതിനാല്‍ ഈ സമയങ്ങളില്‍ പകല്‍ സമയത്ത് ആരും തന്നെ പുറത്തിറങ്ങാറില്ല.

സുഹൈല്‍ നക്ഷത്രം കഴിഞ്ഞദിവസം പ്രത്യക്ഷപ്പെട്ടതായി ഒമാന്‍ ആസ്‌ട്രോണമിക്കല്‍ സൊസൈറ്റിയിലെ സാലിം സെയ്ഫ് അല്‍സിയാബി സ്ഥിരീകരിച്ചിരുന്നു. ഒമാനില്‍ സുഹൈല്‍ സീസണ്‍ 53 ദിവസം നീണ്ടുനില്‍ക്കും. 

ALSO READ: തൊഴിലുടമയോ സ്‌പോണ്‍സറോ ഇല്ലാത്ത പ്രവാസി മരിച്ചാല്‍ മൃതദേഹം നാട്ടിലെത്തിക്കാനുള്ള ചെലവ് ഇന്ത്യന്‍ കോണ്‍സുലേറ്റ് വഹിക്കും

With the Suhail star set to rise on Sunday, August 24, astronomer Mohammed Redha Al-Asfoor clarified that the event does not directly signal cooler weather, as many believe. He stressed that Bahrain’s fall equinox occurs on September 22, with equal day and night on September 27. Meanwhile, the Meteorological Directorate forecasts a hot and humid weekend with highs of 43°C and humidity reaching 85%, urging people to distinguish between traditional star signs and actual climate factors.