വടകര: മാഹിയില്‍നിന്ന് സ്‌കൂട്ടറില്‍ കടത്തുകയായിരുന്ന മദ്യവുമായി ഒരാള്‍ എക്‌സൈസിന്റെ പിടിയിലായി. ഉള്ള്യേരി സ്വദേശി കരിയാത്ത് മീത്തല്‍ വിനോദന്‍(39) ആണു പിടിയിലായത്.
സ്‌കൂട്ടറില്‍ ചാക്കില്‍കെട്ടിവച്ച നിലയിലായിരുന്ന 70 കുപ്പി വിദേശമദ്യം അഴിയൂര്‍ എക്‌സൈസ് ചെക്ക്‌പോസ്റ്റില്‍ എക്‌സൈസ് നടത്തിയ പരിശോധനയിലാണു പിടികൂടിയത്. മദ്യം ഉള്ള്യേരിയിലേക്കു കടത്തുകയായിരുന്നുവെന്ന് എക്‌സൈസ് പറഞ്ഞു. ഓണത്തോടനുബന്ധിച്ച് മാഹിയില്‍നിന്നുള്ള മദ്യക്കടത്ത് പിടിക്കാന്‍ എക്‌സൈസ് പരിശോധന കര്‍ശനമാക്കിയിട്ടുണ്ട്. 24 മണിക്കൂറും പരിശോധനയും എക്‌സൈിന്റെ സ്‌പെഷല്‍ ഡ്രൈവും മേഖലയിലുണ്ട്. എക്‌സൈസ് ഇന്‍സ്‌പെക്ടര്‍ പി.പി വേണു, പ്രിവന്റിവ് ഓഫിസര്‍ സതീശന്‍, സിവില്‍ എക്‌സൈസ് ഇന്‍സ്‌പെക്ടര്‍മാരായ ജലാലുദ്ദീന്‍, മനു, വിജയന്‍, പ്രഭീഷ് പരിശോധനക്കു നേതൃത്വം നല്‍കി. പ്രതിയെ കോടതിയില്‍ ഹാജരാക്കി റിമാന്റ് ചെയ്തു.