ചണ്ഡിഗഡ്: ഇന്ത്യയില്‍ ഏറ്റവും അധികം കേസുകള്‍ രജിസ്റ്റര്‍ ചെയ്യുന്ന രണ്ടാമത്തെ സംസ്ഥാനമാണ് ഹരിയാന. എന്നാല്‍ മറ്റൊരു കാര്യത്തിലാണ് ഹരിയാനയിലെ മേവത് പൊലിസ് സ്റ്റേഷന്‍ വ്യക്ത്യസ്ഥമാകുന്നത്. ഹരിയാനയിലെ ഏക മുസ്‌ലിം ഭൂരിപക്ഷ ജില്ലയാണ് മേവാത്ത്. പ്രദേശത്തെ കടകളിലെ ബിരിയാണി സാമ്പിളുകള്‍ ശേഖരിച്ച് ബീഫ് പരിശോധന നടത്താന്‍ പ്രത്യേക സ്‌ക്വാഡ് രൂപീകരിച്ചിരിക്കുകയാണ് ഹരിയാന പൊലീസ് സേന. ബലിപെരുന്നാളിനോടനുബന്ധിച്ചാണ് ഹരിയാന സര്‍ക്കാറിന്റെ ഗാഉ സേവാ ആയോഗിന്റെ ഉത്തരവു വന്നിരിക്കുന്നത്.

ഇവിടുത്തെ കടകളില്‍ ബിഫ് വില്‍പ്പന നടത്തുന്നുണ്ടെന്ന്് കാണിച്ച് ലഭിച്ച പരാതികളുടെ അടിസ്ഥാനത്തിലാണ് പരിശോധന. ഗോസംരക്ഷണ ചുമതലയുള്ള ദൌത്യസേനയുടെ ചുമതലയുള്ള ഡിഐജി ഭാര്‍തി അറോറ, മേവാത് എസ്എസ്പി കുല്‍ദീപ് സിംഗ്, ആയോഗ് ചെയര്‍മാന്‍ ഭാനി രാം മംഗ്ല എന്നിവര്‍ ഇതു സംബന്ധിച്ച് ചര്‍ച്ച നടത്തി. മേവാതിലെ പരിശോനക്ക് ശേഷം മറ്റുജില്ലകളിലേക്ക് കൂടി പരിശോധന വ്യാപിപ്പിക്കുമെന്നും അധികൃതര്‍ അറിയിച്ചു. ഹരിയാന ഗോവധ നിരോധനം നിലവിലുള്ള സംസ്ഥാനമാണ്.