ആനക്കാംപൊയില്‍-കള്ളാടി-മേപ്പാടി തുരങ്കപാതയുടെ നിര്‍മ്മാണ ഉദ്ഘാടനം ആഗസ്റ്റ് 31 (നാളെ) വൈകീട്ട് 4 മണിക്ക് മുഖ്യമന്ത്രി പിണറായി വിജയന്‍ നിര്‍വഹിക്കും. ആനക്കാംപൊയില്‍ സെന്റ് മേരീസ് യുപി സ്‌കൂളില്‍ വെച്ച് നടക്കുന്ന സമ്മേളനത്തില്‍ മന്ത്രിമാര്‍, വിവിധ രാഷ്ട്രീയ- സാംസ്‌കാരിക പ്രതിനിധികള്‍ പങ്കെടുക്കും.

പൊതുമരാമത്ത് വകുപ്പ് മന്ത്രി പിഎ മുഹമ്മദ് റിയാസ് ചടങ്ങിന് അധ്യക്ഷത വഹിക്കും. കിഫ്ബി ധനസഹായത്തില്‍ 2134 കോടി രൂപ ചിലവഴിച്ച് നിര്‍മ്മിക്കുന്ന തുരങ്കപാത വയനാട്-കോഴിക്കോട് ജില്ലകളുടെ വികസനക്കുതിപ്പിന് മുതല്‍കൂട്ടാകുമെന്നാണ് പ്രതീക്ഷ. 

ലിന്റോ ജോസഫ് എംഎല്‍എ, ധനകാര്യ മന്ത്രി കെഎന്‍ ബാലഗോപാല്‍, വനം വകുപ്പ് മന്ത്രി എകെ ശശീന്ദ്രന്‍, പട്ടികക്ഷേമ വകുപ്പ് മന്ത്രി ഒആര്‍ കേളു, വയനാട് എംപി പ്രിയങ്ക ഗാന്ധി, ടി. സിദ്ധീഖ് എംഎല്‍എ എന്നിവര്‍ ചടങ്ങില്‍ പങ്കെടുക്കും. 

ALSO READ: നെഹ്‌റു ട്രോഫി വള്ളംകളി; ജലരാജാവായി വീയപുരം ചുണ്ടന്‍,കിരീട നേട്ടം ഫോട്ടോ ഫിനിഷിൽ 

construction of the Anakkampoyil-Kalladi-Meppadi Tunnel Path will be inaugurated by Chief Minister Pinarayi Vijayan on August 31