തിരുവനന്തപുരം: തിരുവനന്തപുരം, പുത്തൻതോപ്പ് കടൽത്തീരത്ത് കുളിക്കാനിറങ്ങിയ പ്ലസ് വൺ വിദ്യാർഥികളായ രണ്ട് പേരെ കാണാതായി. നബീൽ, അഭിജിത്ത് എന്നിവരെയാണ് കാണാതായത്. ഇന്ന് വൈകിട്ട് അഞ്ചരയോടെയാണ് സംഭവം.

കണിയാപുരം സ്വദേശികളായ അഞ്ചംഗ സംഘം ഇന്ന് വൈകിട്ടോടെയാണ് പുത്തൻതോപ്പ് കടലിൽ കുളിക്കാനിറങ്ങിയത്. പ്രക്ഷുബ്ദമായ കടലും മോശം കാലാവസ്ഥയും കാരണം മൂന്ന് പേർ ശക്തമായ തിരയിൽ അകപ്പെടുകയായിരുന്നു. ഇതിൽ ആസിഫ് എന്ന വിദ്യാർഥിയെ രക്ഷപ്പെടുത്തി. എന്നാൽ കൂടെയുണ്ടായിരുന്ന മറ്റ് രണ്ട് പേരെ കാണാതാവുകയായിരുന്നു.

ALSO READ: ഞെട്ടിക്കാൻ ഒരുങ്ങി സെപ്റ്റംബർ: വിപണിയിലെത്തുന്നത് പുത്തൻ ബൈക്കുകളും സ്‌കൂട്ടറുകളും

നബീലിനെയും അഭിജിത്തിനെയും കണ്ടെത്താനുള്ള തിരച്ചിൽ ഇപ്പോഴും ഊർജിതമായി തുടരുകയാണ്. കഠിനംകുളം പൊലിസ്, അഞ്ചുതെങ്ങ് കോസ്റ്റൽ പൊലിസ്, കഴക്കൂട്ടത്ത് നിന്നുള്ള അഗ്നിരക്ഷാ സേന തുടങ്ങിയവർ സ്ഥലത്തെത്തി തിരച്ചിൽ നടത്തിവരികയാണ്.

A group of students who went swimming in the sea at Thiruvananthapuram have gone missing. Authorities have launched an intensified search operation to locate them